| 1352. | ‘மண்ணினும் நல்லள் ;
மலர்மகள், கலைமகள், கலை ஊர்
பெண்ணினும் நல்லள் ;
பெரும் புகழ்ச் சனகியோ நல்லள்-
கண்ணினும் நல்லன் ;
கற்றவர் கற்றிலா தவரும்,
உண்ணும் நீரினும்,
உயிரினும், அவனையே உவப்பார். |
‘பெரும் புகழ்ச் சனகியோ - பெரும் கீர்த்தியையுடைய சானகியோ
என்றால் ; மண்ணிலும் நல்லள் - பொறுமையில் நிலமகளினும் சிறந்தவள்;
மலர்மகள் கலைமகள் கலைஊர் பெண்ணினும் நல்லள் - அழகில்
திருமகளையும், அறிவில்கலைமகளையும், ஆற்றலில் கலைமானை
வாகனமாகக் கொண்ட துர்க்கையையும்விடச் சிறந்தவள் ; கண்ணினும்
நல்லன் - அவளுக்குக் கணவனான இராமனோ கண்ணைவிடச் சிறந்தவன்;
அவனையே - அவன் ஒருவனையே ; கற்றவர் கற்றிலாதவரும் -
படித்தவர்களும்சிறிதும் படிக்காதவரும் ; உண்ணும் நீரினும் - உயிர்
இருப்பதற்குக் காரணமானபருகும் நீரைவிடவும் ; உயிரினும் - உடம்பு
இயங்குதற்குக் காரணமானஉயிரைவிடவும் ; உவப்பார் - விரும்புவர்.’ 39 | 1353. | ‘மனிதர், வானவர்,
மற்றுளோர் அற்றம் காத்து அளிப்பார்
இனிய மன்னுயிர்க்கு
இராமனின் சிறந்தவர் இல்லை ;
அனையது ஆதலின்,
அரச! நிற்கு உறு பொருள் அறியின்,
புனித மா தவம்
அல்லது ஒன்று இல்’ எனப் புகன்றான். |
‘அரச ! - மன்னனே ! ; மனிதர், வானவர், மற்றுளோர்-
மக்களும், தேவரும், நரகரும் ஆகிய ; இனிய மன் உயிர்க்கு - இனிமை
நிறைந்த நிலைபெற்ற உயிர்களுக்கு ; அற்றம் காத்து அளிப்பார் - கேடு
வாராமல்பாதுகாத்து அருள்புரிபவர் ; இராமனின் சிறந்தவர் இல்லை -
இராமனைப் போலச்சிறந்தவர் மற்றொருவர் இல்லை ; அனையது
ஆதலின் - இராமனது சிறப்புஅத்தன்மையதாக இருத்தலின் ; நிற்கு உறு
பொருள் அறியின் - உனக்குச்செய்தற்குரிய செயலை ஆராய்ந்தால் ;
புனித மாதவம் அல்லது - தெய்வத்தன்மையுடைய துறவறம் |