| 1359. | ‘புரைசை மாக் கரி நிருபர்க்கும்,
புரத்து உறைவோர்க்கும்,
உரைசெய் மந்திரக் கிழவர்க்கும்,
முனிவர்க்கும், உள்ளம்
முரைசம் ஆர்ப்ப, நின் முதல் மணிப்
புதல்வனை, முறையால்
அரைசன் ஆக்கி, பின்
அப் புறத்து அடுத்தது புரிவாய் !’ |
புரைசை மாக் கரி நிருபர்க்கும் - கழுத்தில் இடப்படும்
கயிற்றையுடைய பெரிய யானைப் படையையுடைய அரசர்களுக்கும்; புரத்து
உறைவோர்க்கும்- அயோத்தி நகரத்தில் வாழ்பவர்களுக்கும்; உரை செய்
மந்திரக் கிழவர்க்கும்- தம் கருத்தை எடுத்துரைத்த அமைச்சர்களுக்கும்;
முனிவர்க்கும் -வசிட்டன் தொடக்கமான முனிவர்களுக்கும் ; உள்ளம்
முரைசம் ஆர்ப்ப - மனம் மகிழ்ச்சியால்முரசடிக்க (ஒலிக்க) ; நின் முதல்
மணிப் புதல்வனை - நினக்கு முதல் மகனும்நீலமணி போலும்
நிறத்தையுடையவனுமான இராமனை ; முறையால் - செய்ய வேண்டிய
முறையோடு ; அரசன் ஆக்கி - அரசனாக முடிசூட்டி; பின் அப் புறத்து
அடுத்தது - பிறகு உனக்குத் தக்கதான துறவு மேற்கொள்ளுதலை ;
புரிவாய் -செய்வாய். புரைசை, முரைசு, அரைசு - இடைப் போலிகள். முதல் புதல்வன்,
மணிப்புதல்வன் எனத் தனித்தனிக் கூட்டுக. தயரதன் துறவு மேற்கொள்வது
தனக்கு வருத்தம் தருவதாயினும்அறம் கருதி அதுவும் செய்ய
வேண்டுவதாய் இருத்தலால் நேரே சொல்லாமல் ‘அப்புறத்து அடுத்தது
புரிவாய்’ என்கிறான். 46 ராமனை அழைத்துவரச் சுமந்திரன் செல்லுதல் | 1360. | என்ற வாசகம், சுமந்திரன் இயம்பலும், இறைவன்,
‘நன்று சொல்லினை ; நம்பியை நளி முடி சூட்டி-
நின்று, நின்றது செய்வது ; விரைவினில், நீயே
சென்று, கொண்டு அணை, திருமகள் கொழுநனை’
என்றான். |
என்ற வாசகம் - இவ்வாறான சொற்களை; சுமந்திரன்இயம்பலும்-
சுமந்திரன் மென்மையாகத் தெரிவித்தவுடன் ; இறைவன் - அரசனாகிய
தயரதன் ; ‘நன்று சொல்லினை - நல்லதையே சொன்னாய் ; நம்பியை
நளிமுடி சூட்டிநின்று - குணங்களால் நிறைந்தவனான இராமனுக்குப்
பெருமை பொருந்தியமகுடத்தை அணிவித்து ; நின்றது செய்வது -
மேலே செய்ய நின்றதைச்செய்வோமாக ; நீயே விரைவினில் சென்று -
நீயே விரைவாகப் போய் ; திருமகன் கொழுநனை |