வீர மறத்தொழில் குறித்து வருதலை; ‘வீரச் சேவகச் செய்கை’ (7281) என்ற பாடற்பகுதியால் அறிக. குந்தம் - ஒரு படைக்கலத்தின் பெயர். கணர் - கண்ணர் - தொகுத்தல்விகாரம். 12 | 1852. | மாக மணி வேதிகையில், மாதவி செய் பந்தர்.
கேகய நெடுங் குலம் எனச் சிலர் கிடந்தார்;
பூக வனம் ஊடு, படுகர்ப் புளின முன்றில்,
தோகை இள அன்ன நிரையின் சிலர் துயின்றார். |
சிலர் - சில மகளிர்; மாதவி செய்பந்தர் - குருக்கத்திக் கொடியால்
அமைக்கப் பெற்ற பந்தரில்; மாக மணி வேதிகையில் - ஆகாயத்தைப்
போன்ற நீலமணிகளால் அமைந்த திண்ணையில்; கேகய நெடுங்குலம்
என - மயிலின் பெருங்கூட்டம்போல; கிடந்தார் - உறங்கினார்; சிலர் -
சில மகளிர்; பூக வனம் ஊடு- கமுகங்காட்டின் இடையே; படுகர் -
மடுவிடத்தில்; புளின முன்றில் -மணல்மேடுகளில்; தோகை இள
அன்ன நிரையின் - தோகையுடைய இளைய அன்ன வரிசைகளைப் போல;
துயின்றார் - தூங்கினார். சிலர் மயில்போல, சிலர் அன்னம் போல உறங்கினர். நீலமணித்
திண்ணையில்உறங்கியவர் நீல நிற மயில் போன்றார் என்றும்,
வெண்மையான மணல் மேடுகளில்உறங்கியவர்கள் வெள்ளையான
அன்னம் போன்றார் என்றும் கூறியது. ஒரு நயம். வேதிகை -திண்ணை.
பூகம் - கமுகு. புளினம் - மணல்மேடு. 13 | 1853. | சம்பக நறும் பொழில்களில், தருண வஞ்சிக்
கொம்பு அழுது ஒசிந்தன எனச் சிலர் குழைந்தார்;
வம்பு அளவு கொங்கையொடு வாலுகம் வளர்க்கும்
அம் பவள வல்லிகள் எனச் சிலர் அசைந்தார். |
சிலர்-; சம்பக நறும் பொழில்களில் - நறுமணம் உள்ள சண்பகச்
சோலைகளில்; தருண வஞ்சிக் கொம்பு அழுது ஒசிந்தன என - இளைய
வஞ்சிக் கொடிகள் அழுது முறிந்தனபோல; குழைந்தார் - சோர்ந்து
தங்கினார்கள்; சிலர்-; வம்பு அளவுகொங்கையொடு - கச்சு அணிந்த
தனங்களுடன்; வாலுகம் வளர்க்கும் அம் பவள வல்லிகள்என -
மணற்குன்றுகளில் வளர்கின்ற அழகியபவளக் கொடிகள்போல; அசைந்தார்-
களைத்து உறங்கினார்கள். வாலுகம் - மணல்மேடு, முலை. பவளவல்லி - மகளிர் என உவமை
காண்க. 14 | 1854. | தகவும் மிகு தவமும் இவை
தழுவ, உயர் கொழுநர் |
|