| | முகமும் அவர் அருளும்
நுகர்கிலர்கள், துயர் முடுக,
அகவும் இள மயில்கள்,
உயிர் அலசியன அனையார்,
மகவு முலை வருட,
இள மகளிர்கள் துயின்றார். |
இள மகளிர்கள் - இளைய பெண்கள்; தகவும் - நற்குணமும்; மிகு
தவமும்- சிறந்த தவமும் (கொண்டானைத் தெய்வம் எனக் கொள்ளுதலும்
அவன் குறிப்பின் வழிஒழுகலும்); இவை தழுவ - இவை பொருந்தி
இருப்ப; உயர் கொழுநர் முகமும் அவர்அருளும் - உயர்ந்த கணவரது
முகத்தையும் அவர் கருணையையும்; நுகர்கிலர்கள்-அனுபவியாதவர்களாய்;
துயர் முடுக - துன்பம் விரைந்து செலுத்த; அகவும் இளமயில்கள் -
ஆடுகின்ற இள மயில்கள்; உயிர் அலசியன அனையார் - உயிர்
ஒடுங்கிப் போன தன்மையை ஒத்து; மகவு முலை வருட - குழந்தை
முலையை நெருடிக்கொண்டிருக்க; துயின்றார் - தூங்கினார்கள். பால் உண்ண முலையில் பால் இல்லாமையால் குழந்தை முலை
வருடுகிறது எனினும் அமையும். உண்டபின்னும், உண்ணும் போதும்
குழந்தை முலை வருடல் இயல்பு. 15 | 1855. | குங்கும மலைக் குளிர் பனிக்
குழுமி என்னத்
துங்க முலையில் துகள்
உறச் சிலர் துயின்றார்;
அங்கை அணையில், பொலிவு
அழுங்க, முகம் எல்லாம்
பங்கயம் முகிழ்த்தன எனச்
சிலர் படிந்தார். |
சிலர் -; குங்கும மலைக் குளிர் பனிக் குழுமி என்ன - குங்கும
மலையிலேகுளிர்ந்த பனி திரண்டது போல; துங்க முலையில் - தூய
தனங்களில்; துகள் உற -மணற்பொடி பரவ; துயின்றார் - தூங்கினர் ;
சிலர்-; அங்கை அணையில் -தமது அழகிய கையாகிற அணையிலே;
முகம் எல்லாம் - தங்கள் முகம் எல்லாம்; பொலிவுஅழுங்க - ஒளி
மலர்ச்சி வாட; பங்கயம் முகிழ்த்தன என - தாமரை மலர்கள்
குவிந்துள்ளன என்று கருதும்படி ; படிந்தார் - கிடந்து தூங்கினார்கள். |