அனைவரும் அரசனைத் தேற்றியிருப்ப நான் நீ காடு சென்ற செய்தி
கூறி அவனுயிரைஅழிக்கின்றவ னாய்விடுவேனோ என அஞ்சுகிறான். 23 | 1863. | ‘ “அங்கிமேல் வேள்வி செய்து
அரிதின் பெற்ற நின்
சிங்க ஏறு அகன்றது” என்று
உணர்த்தச் செல்கெனோ?
எங்கள் கோமகற்கு, இனி,
என்னின், கேகயன்
நங்கையே கடைமுறை
நல்லள் போலுமால்!’ |
‘அங்கிமேல் வேள்வி செய்து - நெருப்பின்கண் அசுவமேதம்,
புத்திர காமேட்டிமுதலிய யாகங்களைச் செய்து; அரிதின் பெற்ற -
அருமையாகப் பெற்றெடுத்த; உன்சிங்க ஏறு அகன்றது’ - உன்னுடைய
ஆண்சிங்கம் காடு சென்றுவிட்டது; என்று -; உணர்த்த- சொல்ல;
செல்கெனோ? - செல்லக் கடவேனோ; இனி-; எங்கள் கோமகற்கு-
தசரதனுக்கு; என்னின் - என்னைக்காட்டிலும்; கடைமுறை - இறுதியாகப்
பார்க்குமிடத்து; கேகயன் நங்கையே - கைகேயியே; நல்லள். போலும் -
நல்லவளாவாள் போலும். என்னைவிடக் கைகேயி நல்லவள் என்றான்! கைகேயி வார்த்தை
கேட்டும் உயிரோடு இருந்ததசரதன் என்வார்த்தை கேட்டவுடனேயே
உயிரை விடுவான் என்று சுமந்திரன் வருந்தினன். ‘ஆல்’ஈற்றசை. 24 | 1864. | முடிவுற, இன்னன மொழிந்த பின்னரும்,
அடி உறத் தழுவினன், அழுங்கு பேர் அரா
இடி உறத் துவளுவது என்னும் இன்னலன்;
படி உறப் புரண்டனன்; பலவும் பன்னினான். |
முடிவு உற - தன் கருத்து (இராமனை மீள அழைத்துச் சேறலே
என்பது) முடிவாகத்தெரியும்படி; இன்னன - இந்த வார்த்தைகளை;
மொழிந்த பின்னரும் - சொல்லியபிறகும்; இடி உற - இடி ஒலி கேட்டு;
அழுங்கு பேர் அரா - மனம் வருந்தும்பெரும்பாம்பு; துவளுவது -
துடித்துச் சோர்கின்றது; என்னும் - என்றுசொல்லத்தக்க; இன்னலன் -
துன்பம் உடையவனாய்; அடி உறத் தழுவினன் -இராமனது கால்களை
நன்கு பற்றிக்கொண்டு; பலவும் பன்னினான் - பலவார்த்தைகளையும்
திரும்பத் திரும்பச் சொல்லிக் கொண்டு; படிமிசைப் புரண்டனன் -
பூமியில் விழுந்து புரண்டான். |