என - பெண்மான்கள் நிரம்பினபோல ; பரந்தனர் -தெருவில் வந்து
நிறைந்தார்கள். பணை - வாத்தியங்கள் ; முரசு என்பாரும் உளர் ; பணை -
கருவியாற் பிறப்பதற்கும், பாட்டு - கண்டத்தாற் பிறப்பதற்கும் கொள்க.
நிரத்தல் -பரத்தல். அனங்கன் - உருவமில்லாதவன். அறிவைப் புனல்
என்றதற்கு ஏற்ப நிறையை அணைஎன்றார் ; உருவகம். நாணமும்
என்றதில் உம்மை இறந்தது தழுவியது. 52 | 1366. | நீள் எழுத் தொடர் வாயிலில்,
குழையொடு நெகிழ்ந்த
ஆளகத்தினோடு அரமியத்
தலத்தினும் அலர்ந்த ;
வாள் அரத்த வேல்
வண்டொடு கெண்டைகள் மயங்க,
சாளரத்தினும் பூத்தன.
தாமரை மலர்கள். |
நீள் எழுத் தொடர் வாயிலில் - நீண்ட தூண்கள் அமைந்த
மாளிகைவாயில்களிலும் ; அரமியத் தலத்தினும் - அவற்றின் நிலா
முற்றங்களிலும் ; குழையொடு - குண்டலங்களொடும் ; நெகிழ்ந்த
ஆளகத்தினோடு - அவிழ்ந்தகூந்தலொடும் ; தாமரை மலர்கள் -
பெண்களின் முகங்களாகிய தாமரை மலர்கள் ; அலர்ந்தன - மலர்ந்தன ;
சாளரத்தினும் - அவை அம் மாளிகைகளின்பலகணிகளிலும் ; வாள்
அரத்தம் வேல் வண்டொடு கெண்டைகள் மயங்க - வாளொடும்குருதி
தோய்ந்த வேலொடும் வண்டுகளொடும் கெண்டைகள் கலந்து நிற்க ;
பூத்தன -மலர்ந்தன. வீதியில் வந்த பெண்களே யன்றி, வேறு சிலர் மாளிகை
வாயில்களிலும் நிலா முற்றங்களிலும் இருந்து இராமனைக் கண்டனர் என்பது
கருத்து. புருவம் வாளாகவும், செவ்வரிபடர்ந்த கண் குருதி படிந்த
வேலாகவும், கருவிழி வண்டாகவும், புடைபெயரும் கண்கள்
கெண்டையாகவும்கூறப்பட்டன. ஆளகம் - அளகம் என்பதன் நீட்டல்
விகாரம் ; அளகம் - கூந்தல். 53 | 1367. | மண்டலம் தரு மதி கெழு,
மழை முகில் அனைய,
அண்டர் நாயகன் வரை புரை
அகலத்துள் அலங்கல்,
தொண்டை வாய்ச்சியர் நிறையொடும்,
நாணொடும், தொடர்ந்த
கெண்டையும் உள ; கிளை பயில்
வண்டொடும் கிடந்த. |
|