போல (தைலமாட்டுப் படலம், 60). இருந்தஉழி - இருந்துழி புக்கான் - புகு
என்னும் பகுதி இரட்டித்துக் காலம் காட்டிற்று. 57 தயரதன் இராமனைத் தழுவுதல் | 1371. | மாதவன்தனை வரன்முறை வணங்கி,
வாள் உழவன்
பாத பங்கயம் பணிந்தனன் ;
பணிதலும், அனையான்,
காதல் பொங்கிட, கண் பனி உகுத்திட,
கனி வாய்ச்
சீதை கொண்கனைத்
திரு உறை மார்பகம் சேர்த்தான். |
வரன்முறை மாதவன்தனை வணங்கி - தொன்றுதொட்டுவரும்
முறைப்படி பெரியதவமுனியாகிய வசிட்டனைத் தொழுது ; வான் உழவன்
பாத பங்கயம் பணிந்தனன் -வாட்போரில் வல்லவனான தயரத மன்னன்
திருவடியாகிய தாமரைகளை வணங்கினான் ; பணிதலும் - அவ்வாறு
இராமன் வணங்கிய அளவில் ; அனையான் - அவ்வாறுவணங்கப்பெற்ற
தயரதன் ; காதல் பொங்கிட - இராமன் மீது கொண்ட பாசம்மேலிட ;
கண்பனி உகுத்திட - கண்கள் இன்பக் கண்ணீரைச் சொரிந்திட ;
கனிவாய்ச் சீதை கொண்கனை - கனிபோன்ற இதழ்களையுடைய சீதையின்
கணவனாகியஇராமனை ; திருஉறை மார்பகம் சேர்த்தான் - திருத்
தங்கிய தன் மார்போடுஅணைத்துக் கொண்டான். வாள் உழவர் - வாட்போரில் வல்லவர். வில்லேர் உழவர் என்று
திருவள்ளுவர் வீரர்களைக் குறித்தல் கருதத்தக்கது (குறள். 872) திரு -
அரசச் செல்வம். 58 | 1372. | ‘நலம் கொள் மைந்தனைத் தழுவினன்’
என்பது என்? நளி நீர்
நிலங்கள் தாங்குறு நிலையினை
நிலையிட நினைந்தான்,
விலங்கல் அன்ன திண் தோளையும்,
மெய்த் திரு இருக்கும்
அலங்கல் மார்பையும், தனது தோள், மார்பு,
கொண்டு அளந்தான். |
நலம்கொள் மைந்தனை - நன்மைகள் அனைத்தையும் கொண்ட
தன்மகனாகிய இராமனை ; தழுவினன் என்பது என் - தந்தையாகிய
தயரதன்அணைத்துக்கொண்டான் என்று சொல்வது எதன்பொருட்டு? ; |