கொடி போன்ற நுண்ணிய இடையை உடைய தாமரையில் வீற்றிருக்கும்
திருமகளுடன்;  வெள்ளி வெண்நிறப் பாற்கடல் - வெள்ளி போன்ற
வெண்மையான நிறத்தை உடைய பாற்கடலில் மேல்; மேலைநாள் -
முன்னொரு காலத்தில்; பள்ளி நீங்கிய பான்மையில் - அனந்தசயனத்தில்
அறிதுயில் ஒழிந்து எழுந்து  நின்ற தன்மை போல;  தோன்றினான் -
தோற்றமளித்தான்.

     கங்கை அலைகள் வெண்மையாய் உள்ளன. அதன்மேல் இராமனும்
சீதையும் தோன்றுதல் திருப்பாற்கடலில் துயிலும் திருமால் திருமகளோடு
எழுந்து நின்றாற் போலும்என்றார்.                                19

     பஞ்சின் மெல்லடிப் பாவையும்- செம் பஞ்சு போன்ற மென்மையான
பாதங்களை உடையசீதையும்;  இடைக்கு வஞ்சி நாண - தன்இடைக்கு
வஞ்சிக் கொடி நாணப்பட்டுத்தோற்றொதுங்க;  மடநடைக்கு அன்னம்
அஞ்சி ஒதுங்க - அழகிய தன் நடைக்கு அன்னப் பறவைதோற்றுப்
பயந்து  பின்னிட;  அடி அன்ன கங்சம் நீரில் ஒளிப்ப - தன் பாதம்
போன்ற தாமரை தோற்றுத் தண்ணீரில் மறைந்துகொள்ள; கயல் உக -
கயல் மீன்கள் (கண்ணுக்குத்தோற்றுக்) கெட;  ஆடினாள் -  நீராடினாள்.

     வஞ்சி, அன்னம், தாமரை, கயல் ஆகியவை நீரில் உள்ளவை. நீராடும்
சீதையின்உறுப்புநலன் கண்டு அவை தோற்றதாகக் கற்பனை செய்தார்.
கயல் என்பதனால் கண்ணுக்குத் தோற்றுஎன்பது  வருவிக்கப் பெற்றது.  20

     கங்கையும் - கங்கா தேவியாகிய நதியும்;  தேவ தேவன் - சிவ
பிரானது; செறி சடைக் கற்றையுள் - செறிந்த சடைக் கற்றைக்குள்;
(நெடுநாள் இருந்ததனால் உளதான) கோவை மாலை எருக்கொடு -
எருக்கம் பூமாலைச் சரத்தோடு; கொன்றையின்பூவும் - கொன்றை மலர்
மணமும்; நாறலள் - இப்பொழுது  வீசப் பெறாதவனாய்; பூங்குழல்
கற்றையின் - (சீதையின்) அழகமைந்த கூந்தல் தொகுதியில் உள்ள; நாவி-
கத்தூரிப் புனுகு எண்ணெய் மணமும்; நாள்மலர் - அன்றலர்ந்த மலர்களின்
மணமும்;  நாளினள் - வீசப் பெற்றாள்.