சிங்க ஏறு அனைய வீரன் பின்னரும் செப்புவான் -
ஆண்சிங்கத்தை ஒத்த இராமன்மேலும் கூறுவான்; ‘யாம் இங்கு உறைந்து
நாளை எறி நீர்க் கங்கை ஏறுதும் - நாங்கள்இத்தவச்சாலையில்
தங்கியிருந்து  நாளைக்கு அவைவீசும் கங்கையாற்றைக் கடந்து  செல்ல
எண்ணியுள்ளோம் (ஆதலின்);  நீ-; யாணர்ப் பொங்கும் நின்
கற்றத்தோடும் போய்-புதுமை நிரம்பிய உன் உறவினர்களோடும் சென்று;
உன் ஊரில் உவந்து  இனிது  தங்கி -உன்னடைய நகரத்திலே மன
மகிழ்ச்சியோடு இனிமையாகத் தங்கியிருந்து;  விடியல் - நாளைவிடியலில்;
நாவாயோடும் சாருதி - மரக்கலங்களோடும்  வருவாயாக;’ என்றான்-.

     கார் குலாம் நிறத்தான் கூற - மேகம் போல் உள்ள கரு நிறம்
உடையதிருமேனியனாகிய இராமன் இவ்வாறு கூற;  காதலன்
உணர்த்துவான் - அவனிடத்தில் பேரன்புகொண்ட குகன் சொல்வான்;
‘இப் பார் குலாம் செல்வ! - இந்தப் பூமி முழுவதும் ஆளும்செல்வத்துக்
குரியவனே!’ நின்னை - உன்னை;  இங்ஙனம் பார்த்த கண்ணை -
இவ்வாறு  சடைமுடிக் கோலத்தோடு பார்த்த கண்களை;  ஈர்கிலாக்
கள்வனேன் யான் -இதுகாறும் பிடுங்கி எறியாமல் உன்பால்
அன்புடையவன் போல நடிக்கின்ற திருடன் யான்; இன்னலின் இருக்கை
நோக்கி - இத்தகைய துன்பத்தில் இருந்தபடியைப் பார்த்து; தீர்க்கிலேன்-
உன்னைப் பிரிய மாட்டாதவனாக இருக்கிறேன்;  ஆனது - என்நிலைமை
அவ்வாறாகியது; ஐய! - ஐயனே; அடிமை செய்குவென்’ - (உன்
அருகேயேஇருந்து உனக்குரிய) தொண்டுகளைச் செய்வேன்; என்றான்-.

     அரச குமாரனாகிய இராமன் முடிபுனையாது சடைமுடி தரித்த
கோலத்தோடு வந்தது கண்டு மனம் இரங்கித் தழுதழுத்த குகன் தன்னைத்
தாழ்மைப்