பாதுகாக்கின்ற அந்தணன்; ‘உலகு ஏழும் அமை’ எனின் -
ஏழுலகங்களையும்  படைக்க என்றாலும்; அமரேசன் - தேவ தேவனாகிய
திருமால்; உந்தியின் உதவாமே - தனது திருநாபிக்கமலத்தின் மூலமாகப்
படைக்க வேண்டாதபடி;  உதவிடு - தனது சங்கற்பத்தாலேயேபடைக்கும்;
தொழில் வல்லான் - தொழிலில் வல்லவன்.

     பரத்துவாச முனிவனது  அருளாற்றலும் தவ ஆற்றலும் கூறியவாறு.
எவ்வுயிர்க்கும் செந்தண்மைபூணுதலே அந்தணர் இயல் என்ற குறளினைக்
கம்பர் நினைவுக்கூர்கிறார்.                                   22

முனிவன், இராமன் வனம் வந்த காரணம் வினாவல்  

     அம் முனி வரலோடும் - அத்தகைய பரத்துவாச முனிவன் வந்த
அளவில்; அழகனும் -இராமனும்; அலர் தூவி - மலர்களைத் தூவி;
மும்முறை தொழுதான் - மூன்று முறைவணங்கினான்; அம் முதல்வனும்-
அந்தப் பெரியோனாகிய பரத்துவாசனும்;  எதிர்புல்லி - எதிரே தழுவி;
இம்முறை உருவோ நான் காண்குவது என- இப்படிப்பட்டவேடத்தொடு
கூடிய வடிவத்தையோ என் கண்ணால் காணும்படியானது  என்று;  உள்ளம்
விம்மினன் -மனம் பொருமினனாய்; இழி கண்ணீர் விழி வழி உக
நின்றான் - கீழ்நோக்கிஇறங்கும் கண்ணீர் கண்களின் வழிவந்து கீழே
சிந்தும்படி நின்றான்.

     அரச குமாரனின் தவக் கோலத்தைக் கண்டானாதலின் ‘இம்முறை
உருவோ நான் காண்பது’ என்றுஇரங்கினான்.                       23