தனக்குரிய கடமை என்று உணர்ந்தும்; கொற்றவன் யாது ஏவியது -
அரசன் எதனைச் செய்யுமாறுஆணையிட்டானோ; அது செயல் அன்றோ -
அதனைச் செய்வதல்லவா; எற்கு நீதி என நினைந்தும்- எனக்கு நியாயம்
என்று எண்ணியும்; அப் பணி தலைநின்றான் - அரச பதவி ஏற்றலாகிய
அச்செயலை மேற்கொண்டு நின்றான். இதனால் இராமன் ஆட்சியின்மீது விருப்போ வெறுப்போ இன்றி
இருந்த தன்மையும் அவன் தந்தையின்சொற்களை மந்திரமாகக் கருதுபவன்
என்னும் உண்மையும் சுட்டப்பட்டுள்ளன. 69 தயரதன் மகிழ்ந்து, தன் அரண்மனைக்குப் போதல் | 1383. | குருசில் சிந்தையை மனக்கொண்ட
கொற்ற வெண்குடையான்,
‘தருதி இவ் வரம்’ எனச் சொலி,.
உயிர் உறத் தழுவி,
சுருதி அன்ன தன் மந்திரச்
சுற்றமும் சுற்ற,
பொரு இல் மேருவும் பொரு அருங் கோயில்
போய்ப் புக்கான். |
குருசில் சிந்தையை - இராமனது மனக் கருத்தை; மனம் கொண்ட
கொற்ற வெண்குடையான்- உட்கொண்ட வெற்றி பொருந்திய
வெண்குடையை யுடையவனாகிய தயரதன்; ‘இவ் வரம் தருதி -இந்த
வரத்தைத் தருவாய்;’ எனச் சொலி - என்று சொல்லி; உயிர் உறத்தழுவி-
அவனைத் தன் உயிரோடு பொருந்தும்படி இறுக அணைத்துக் கொண்டு;
சுருதி அன்ன - வேதத்தையொத்த; தன் மந்திரச் சுற்றமும் சுற்ற -
தன்னுடைய அமைச்சர்களின் கூட்டமும் தன்னைக்சூழ்ந்துவர; பொரு இல்
மேருவும் - ஒப்பு அற்ற மேரு மலையும்; பொரு அருங் கோயில்-
ஒப்பாவதற்கு அரிய தன் அரண்மனையில்; போய்ப் புக்கான் - போய்ச்
சேர்ந்தான். நன்மை தீமைகளை ஆராய்ந்து அரசனுக்குச் சொல்லி நீதி வழி
நிறுத்துதல் பற்றி அமைச்சர்களுக்குச்சுருதியை உவமையாகக் கூறினார்.
மேருவும் - உம்மை. உயர்வு சிறப்பு. 70 இராமன் தன் அரண்மனை சேர்தல் | 1384. | நிவந்த அந்தணர்,
நெடுந் தகை மன்னவர், நகரத்து
உவந்த மைந்தர்கள்,
மடந்தையர், உழைஉழை தொடர, |
|