நாட்டைக் கண்ட அளவிலே தீய செய்தியைக் கேட்கப்போகிறோம்
என்னும் நினைவுஉண்டாயிற்று என்பதாகும். துன்ப மிகுதியில் பெரு மூச்சு
எறிதல் வழக்கு. ‘அரோ’ஈற்றசை. 28 பரதன் அழகு அழிந்த நகரின் நிலையைப் பார்த்தல் | 2130. | மீண்டும் ஏகி, அம் மெய் எனும் நல் அணி
பூண்ட வேந்தன் திரு மகன், புந்திதான்
தூண்டு தேரினம் முந்துறத் தூண்டுவான்,
நீண்ட வாயில் நெடு நகர் நோக்கினான். |
மெய் எனும் நல் அணி பூண்ட அவ் வேந்தன் - வாய்மை
என்னப் பெறுகின்ற சிறந்தஅணியை அணிந்துகொண்ட அந்தத்
தயரதனுடைய; திருமகன் - சிறந்த மகனாகிய பரதன்; மீண்டும் ஏகி -
மேலும் சென்று; புந்திதான் - அறிவானது; தூண்டு தேரினும் -விரைவாகச்
செலுத்தப்படுகின்ற தேரைக் காட்டிலும்; முந்துற - முற்படடுச் செல்லும்படி;
தூண்டுவான் -அறிவை முற்படச் செலுத்தி ஆராய்பவனாகி; நீண்ட
வாயில் -நெடிதுயர்ந்த வாயிலை உடைய; நெடுநகர் - சிறந்த அயோத்தி
நகரை; நோக்கினான் -உள்உணர்வோடு பார்த்தான். நாடு பொலிவிழந்த நிலை கண்ட உண்டாகிய துன்பம் அவன் புத்தியை
விரைவாகச்செலுத்தியது. ஆதலின் விரைந்து நகர்வாயிலை அடைந்தான். அயோத்தியின் ‘வைஜெயந்தம்’ என்ற பெயருடைய மேற்கு வாயிலைப்
பரதன் அடைந்தான் என்றுவான்மிகம் கூறும். 29 கொடி இழந்த நகர் காணல் | 2131. | ‘அண்டம் முற்றும் திரிந்து அயர்ந்தாய்’ அமுது
உண்டு போதி’ என்று, ஒண் கதிர்ச் செல்வனை.
விண் தொடர்ந்து விலக்குவ போல்வன,
கண்டிலன், கொடியின் நெடுங் கானமே, |
ஒண் கதிர்ச் செல்வனை - ஒளி படைத்த ஆயிரம் கதிர்களைத் தன்
செல்வமாக உடைய கதிரவனை (நோக்கி); ‘அண்டம்முற்றும் - எல்லா
உலகங்களும் அடங்க; திரிந்து அயர்ந்தாய் - (நீ) சுற்றிஅலைந்து
சோர்ந்து போனாய்; அமுது உண்டு போதி - (எங்கள் நகரிலே) தங்கி
உணவுஅருந்திச் செல்வாயாக; என்று -; விண்தொடர்ந்து - (அக்
கதிரவன் ) செல்லும் வான்அளாவித் தொடர்ந்து சென்று; விலக்குவ
போல்வன - (அப்பரிதியைத்) தடுப்பனபோல்வவாகிய; கொடியின் -
(அயோத்தி நகரக்) கொடிகளின்; நெடுங்கானம் - பெரியகாட்டை;
கண்டிலன் - (பரதன்) காணப்பெறாதன் ஆனான். |