திருடர்களைப் போல; கொண்டனர் ஏக- பரிசிலாகப் பெற்றுக் கொண்டு
செல்ல; கண்டிலன் -. பிள்ளை, மா களிறும், பிடியும் என்று பிரித்துக் கன்றும், யானையும்,
பிடியும் எனவும்பொருள் உரைக்கலாம். வயிரியர் - பாணர் - வாத்திய
இசைஞர் என்பது பொருள். அளவறியாதுவாரிக்கொண்டு செல்வது திருடர்
இயல்பு. அதனை ஈண்டுப் பரிசிலர்க்கு உவமை ஆக்கினார். 32 அந்தணர் தானம் பெறாத நிலை கண்டு இரங்குதல் | 2134. | காவல் மன்னவன் கான்முளை கண்டிலன் -
ஆவும், மாவும், அழி கவுள் வேழமும்,
மேவு காதல் நிதியின் வெறுக்கையும்,
பூவின் வானவர் கொண்டனர் போகவே. |
காவல் மன்னவன் - (உலகத்தைக் ) காத்தலைச் செய்கிற தயரத
மன்னவனது; கான்முளை - வழித் தோன்றலாகிய பரதன்; பூவின்
வானவர் - மண்ணுலகத் தேவர்கள்ஆகிய பூசுரர் எனப் பெறும் வேதியர்;
ஆவும் - பசுக்களும்; மாவும் - குதிரைகளும்;கவுள் அழிப் வேழமும் -
கன்னத்தில் மதம் பெருகுகின்ற யானையும்; காதல் மேவு -ஆசை
பெருகுகின்ற; நிதியின் வெறுக்கையும் - செல்வத்தின் மிகுதியும்;
கொண்டனர்போக - தானமாகப் பெற்றுக்கொண்டு செல்ல; கண்டிலன் -. கான்முளை - மகனைக் குறிக்கும் சொல்; தந்தையின் காலில்
முளைத்தவன் என்பது பொருள்ஆதலின் வழித்தோன்றல் என உரை
கூறப்பட்டது. அழிதல் - பெருகுதல் என்னும் பொருட்டு “அழியும்புனல்
அஞ்சன மா நதியே” என்னும் சிந்தாமணியில் அப்பொருளாதல் (சீவக. 1193)
காண்க. ‘ஏ’ஈற்றசை. 33 இசையில்லாத அயோத்தி நகரம் | 2135. | சூழ் அமைந்த சுரும்பும், நரம்பும், தம்
ஏழ் அமைந்த இசை இசையாமையால்,
மாழை உண் கண் மயில் எனும் சாயலார்
கூழை போன்ற, பொருநர் குழாங்களே. |
பொருநர் குழாங்கள் - பாடி ஆடுகின்ற பொருநர் கூட்டங்களில்
உள்ள; சூழ் அமைந்த கரும்பும் - (மணம்உள்ளவிடத்தே) சுற்றுதல்
பொருந்திய வண்டுகளும்; நரம்பும் - நரம்பினால் இசைக்கும்யாழ் முதலிய
கருவிகளும்; ஏழ் அமைந்த - ஏழாகப் பொருந்திய; தம் இசை
இசையாமையால் - தமக்குரிய இசையை ஒலிக்காமல் வெறுமனே
கிடக்கிறபடியால்; மாழைஉண்கண் மயில் எனும் சாயலார் - இளமைத் |