மனம் கெட்டு; அரற்றினன் - பல படியாகப் பிதற்றலானான்; அரற்றி -
புலம்பி; பின்னரும் - பிறகு; இன்னன மொழிந்தனன் - இவ்வாறு
பேசலானான். முருகன் - அழகன். முருகு என்னும் சொற்கு அழகு, மணம், இளமை,
கடவுள் தன்மை என்னும்நான்கு பொருள் உண்டு. முருகன் மணம் கமழ்
தெய்வத்து இள நலம்“ (திருமுருகு 290) உடையன்ஆதலின் பரதனுக்கு
உவமையாயினன், ‘இன்னன்’ என்பதனைப் பின்வரும் ஒன்பது செய்யுள்கள்
விரிக்கும் . 47 பரதன் தயரதனை நினைத்து முன்னிலைப்படுத்தி அரற்றுதல் | 2149. | ‘அறம்தனை வேர் அறுத்து, அருளைக் கொன்றனை,
சிறந்த நின் தண்ணளித் திருவைத் தேசு அழித்து,
இறத்னை ஆம் எனின், இறைவ! நீதியை
மறந்தனை; உனக்கு, இதின் மாசு மேல் உண்டோ? |
‘இறைவ! - தயரத மன்னனே!; அறம்தனை வேர் அறுத்து -
தருமத்தை வேரோடேஅழித்து; அருளைக் கொன்றனை - அருளை உயிர்
போக்கி; சிறந்த நின் தண் அளித்திருவைத் தேசு அழித்து - உயர்ந்து
சிறந்த நின் குளிர்ந்த கருணைச் செல்வத்தை ஒளிகெடுத்து; இறந்தனை
ஆம் எனின் - இறந்து பட்டாய் என்றால்; நீதியை மறந்தனை- நீதியை
மறந்துவிட்டாய் ஆனாய்; உனக்கு -; இதின் - இதனைக் காட்டிலும்; மாசு-
குற்றம்; மேல் உண்டோ - மேம்பட்ட துண்டோ?’ தயரதன் இறந்தபடியால் உலகில் அறம்காப்பார் இல்லாமையால் அறம்
கெட்டது. தயரதன்இறப்பே அறம், அருள், ஒளி இவற்றை உலகில்
நில்லாதபடி செய்துவிட்டது என்பது இதனாற்கூறியது. எனவே, தயரதன்
ஆட்சிச் சிறப்புப் புலப்படுகிறது. “திருவுடை மன்னரைக் காணில்திருமாலைக் கண்டேனே” (திவ்வியப்-3271) என்பராதலின் அரசனை ‘இறைவ!’ என்றான்.
வள்ளுவரும் ‘இறைமாட்சி’ என்றது காண்க. தயரதன் இறவாதிருந்து
இவற்றையெல்லாம் பழித்தாற்போலப் புகழையே கூறினானாம். 48 | 2150. | ‘சினக் குறும்பு எறிந்து, எழு காமத் தீ அவித்து,
இனக் குறும்பு யாவையும் எற்றி, யாவர்க்கும்
மனக்கு உறு நெறி செலும் வள்ளியோய்! மறந்து
உனக்கு உறு நெறி செலல் ஒழுக்கின்பாலதோ? |
‘சினக்குறும்பு எறிந்து- வெகுளியாகிய பகையை வெட்டி அழித்து;
எழு காமத் தீ அவித்து - மனத்தில்தோன்றகின்ற காமம் ஆகிய
நெருப்பை அணைத்து; இனக் குறும்பு யாவையும் எற்றி -கூட்டமாக |