பரதன் துன்பத்தில் ஆழ்தல்  

     ‘வனத்தினன்’ - (இராமன்) காட்டில் உள்ளான்; என்று -; அவள்
இசைத்தமாற்றத்தை - கைகேயி சொன்ன சொல்லை; நினைத்தனன் -
(மனத்தில்) எண்ணிஎண்ணிப் பார்த்து; நெருப்பு உண்டான் என -
நெருப்பை விழுங்கியவனைப் போல; இருந்தனன் - (செயலற்று, மயக்குற்று)
இருந்து;  (தனக்குத் தானே) ‘வினைத்திறம் -என் தீவினையின் கூறுபாடு;
இனி விளைப்பது யாது - இனிமேலும் எனக்கு உண்டாக்க இருப்பது
எத்தகைய தீமையோ?; இன்னமும் - மேலும்; யான் கேட்பன துன்பம் -
யான் கேட்கவேண்டுவனவாகிய துன்பங்கள்; எனைத்து உள - எத்துணை
உள்ளனவோ;’ என்றான் -.

     விம்மலோடு - அமுகையோடு; ஏங்கினன் - ஏக்கம் கொண்டு;
இருந்தஏந்தல் - இருந்த பரதன் (கைகேயியை நோக்கி);  ‘அப்பூங்கழல்
காலவன் - அந்தப்பொலிவமைந்த  வீரக்கழலை அணிந்த கால்களை
உடையவனாகிய இராமன்; வனத்துப் போயது -காட்டிற்குச் சென்றது;
தீங்கு இழைத்த அதனினோ? - பிறர்க்குத் தீமை செய்தஅதனாலா?;
தெய்வம்  சீறியோ! - தெய்வங்கள் கோபித்ததனாலேயா?; ஓங்கிய
விதியினோ - (இவை எல்லாவற்றினும்) மேம்பட்டதாகிய விதியின்
விளைவாலேயா?;  யாதினோ - வேறு எந்தக் காரணத்தினாலோ?; எனா -
என்று கேட்டு..... (அடுத்த பாட்டில்முடியும்)

     இராமனது திருமேனி நலங்களுள் வனம் போயது திருவடி ஆதலின்,
அதன் சிறப்பைப் ‘பூங்கழற்காலவன்’ என்று பரதன் எண்ணியது அவன்
மனநிலையைப்