தெய்வத்தானும் அன்று- ஓர் தெய்வக்குற்றத்தால் அத்தெய்வம்
சீறியதாலும் அன்று; அருக்கனே அனைய -சூரியனையே ஒத்த (நேர்மை
தவறாத);  அவ் அரசர் கோமகன் - அந்தச்சக்கரவர்த்தியாகிய தயரதன்;
இருக்கவே - உயிருடன் இருக்கின்ற போதே; அவன் வனத்துஏகினான்’-
இராமன் காட்டுக்குச் சென்றான்;’ என்றாள் -.

     ‘குற்றம் ஒன்று இல்லையேல் - இராமன் பிறருக்குச் செய்த தீங்கு
ஒன்றும்இல்லையாக இருக்குமானால்;  வேறு உளோர் கொதித்து
செற்றதும் இல்லையேல் - இராமனுக்குவேறாக உள்ள பகைவர் மனம்
வெம்பி வலியை அழித்ததும் இல்லையானால்; தெய்வத்தான் அன்றேல் -
தெய்வக் குற்றத்தினாலும் விளைந்தது இல்லையானால்; பெற்றவன்
இருக்கவே- தன்னைப்பெற்ற தந்தை தயரதன் உயிரோடிருக்கும் பொழுதே;
பிள்ளை கான் புக உற்றது என் - அவன்மகனாகிய இராமன் காடு
செல்லும்படி நேர்ந்ததற்குக் காரணம் யாது?; தெரிதர - நன்கு விளங்கும்படி;
உரைசெய்வீர்! - சொல்வீராக;’ என்றான் -.