பரதன் கைகேயியைக் கடிந்து பழித்துரைத்தல்  

    ‘நின் கொடும் புணர்ப்பினால்- உன்னுடைய கொடிய சூழ்ச்சியால்;
எந்தை மாண்டனன் - என் தந்தை தயரதன் இறந்தான்;என் தம்முன்
மாதவம் பூண்டனன் - என் தமையன் பெருந்தவத்தை மேற்கொண்டான்
(காட்டுச்குச் சென்றான்);  என்றால் - (இத்தகைய கொடிய நிகழ்ச்சிகள் நின்
வாயால்விளைந்தன) என்றால்;  வாய் கீண்டிலென் - (கொடி வரம் கேட்ட
உன்னுடைய) வாயைக்கிழித்தேனில்லை; அது கேட்கும் - (வரம்பெற்றேன்
என்ற) உன் சொல் கேட்கும்; நின்ற - இறவாது  நின்ற; யான் -; அரசை-
(நீ வாங்கிய) இராச்சியத்தை; ஆசையால் ஆண்டனெனே அன்றோ -
பேராசையால் ஆட்சிபுரிந்தவன் ஆவனே யல்லவா?’

     நீ - (வரம் கொண்ட) நீயும்; இனம் இருந்தனை - இன்னமும்
உயிரோடுஇருந்தாய்; யானும் நின்றனென் - யானும் உன்னெதிரில் சும்மா
நின்று கொண்டுள்ளேன்;‘ஏ’ எனும் மாத்திரத்து - ‘ஏ’ என்று
சொல்லக்கூடிய கால அளவுக்குள்; எற்றுகிற்றிலென் - (உன்னை) அடித்து
வீழ்த்தவில்லை; (இதற்குக் காரணம்) ஆயவன்முனியும் என்று
அஞ்சினேன் - (உலகுக்கெல்லாம்) தாய் போன்ற இராமன் கோபிப்பான்
என்றுகருதிப் பயந்தேன்; அலால் - அல்லாமல்; ‘தாய்’ எனும் பெயர் -
உனக்கு என்னுடைய தாய் என்று  ஒரு பெயர் உள்ளதே அது; எனைத்
தடுக்கற் பாலதோ - என்னை(உன்னை அடித்து  வீழ்த்தாமல்) தடுக்க
வல்லமை உடையதோ?’

    நீ பிழை செய்தாய்; உன்னைத் தண்டிக்க வேண்டியவன் யான்;
அப்படியிருந்தும் உன்னைத்தண்டியாதது ‘தாய்’  என்பதால் அன்று,
இராமனுக்கு அஞ்சியே