‘அரோ’ ஈற்றசை. ‘மீண்டு’ என்பதை மாறிச் சேர்க்காது. நேரே
சேர்த்துத் திரும்பவும்மண்கிழிதர வீழ்ந்தான் என்றும் பொருள் கூறலாம்.
இப்பொருளில் வரும்போது பரதன் வந்தவுடன்வீழ்ந்து வணங்கினான்,
திரும்பவும் கோசலை திருவடியில் வீழ்ந்தான் என்று உரைத்தல்வேண்டும்.
அருகர் - ஈற்றுப் போலி. 89 பரதனின் இரங்கல் உரை | 2191. | ‘எந்தை எவ் உலகு உளான்? எம் முன் யாண்டையான்?
வந்தது, தமியென், இம் மயக்கம் காணவோ?
சிந்தையின் உறு துயர் தீர்த்திரால் எனும்,
அந்தரத்து அமரரும் அழுது சோரவே. |
அந்தரத்து அமரரும் - வானுலகில் உள்ள தேவர்களும்; அமுது
சோரவே -(இவன் புலம்பைக் கேட்டும் இவனைக் கண்டும் தம்மாலும்
ஆற்றமுடியாமல் தாமும்) அழுது சோரும்படி;‘எந்தை எவ் உலகு
உளான்? - என் தந்தையாகிய தயரதன் இப்போது எந்தஉலகத்தில்
இருக்கிறான்?; எம்முன் யாண்டையான் - என் தமையனாகிய இராமன்
எவ்விடத்தில் இருக்கிறான்?; தமியென் - ஆதரவற்ற தனியனாகிய யான்;
வந்தது -அயோத்திக்கு வந்தது; இம் மறுக்கம் காணவோ? - இந்தத்
துன்ப நிலையைக்காண்பதற்காகவோ?; சிந்தையின் - (என்) மனத்தில்;
உறு துயர் - பொருந்தியதுன்பத்தைத்; தீர்த்திர்- போக்குங்கள்;’ எனும்-
என்பான். இறந்தபின் வேறு உலகம் செல்வர் ஆதலான் ‘எந்தை எவ் உலகு
உளான்’ என்றான். இராமன்காடு சென்றபடியால் ‘யாண்டையான்’ அதாவது
காட்டில் எவ்விடத்தில் உள்ளான் என்றான்.தந்தையோடும் தமையனோடும்
இருக்கின்ற பேறு பெறாமையால் தன்னைத் ‘தமியென்’ என்றுகுறிப்பிட்டான்.
‘ஆல்’, ‘ஏ’ அசைகள். 90 | 2192. | ‘அடித்தலம் கண்டிலென் யான், என் ஐயனை;
படித்தலம் காவலன், பெயரற்பாலனோ?
பிடித்திலிர் போலும் நீர்; பிழைத்திரால்’ எனும் -
பொடித் தலம் தோற் உறப் புரண்டு சோர்கின்றாள். |
தலம் பொடி தோள் உறப் புரண்டு சோர்கின்றான் - மண்ணில்
உள்ள புழுதிதன்தோளிற் படும்படி நிலத்திற் புரண்டு மனம் சோர்ந்தவனாகி;
‘யான் -; என் ஐயனை- என் தலைவனாகிய இராமனது; அடித்தலம் -
திருவடியை; கண்டிலென் - காணப்பெறவில்லை;படித்தலம் காவலன் -
இப்பூமியாகிய இடத்துக்கு அரசனாகிய இராமன்; பெயரற்பாலனோ?-
இக்கோசல நாட்டைவிட்டுப் பெயர்ந்து செல்லும் தன்மை உடையனோ; நீர்-
(அன்னையாகிய) நீர் (ஆற்றாமையால்); பிடித்திலிர் போலும் - (அவன்
கானகம்செல்லும்போது) |