‘உயிர் வளர்த்து உண்ணும் ஆசையால்’ என்பதனை இடைநிலைத்
தீவகமாகக் கொண்டு, ‘எஃகு எறி செருமுகத்து’ என்பதன் முன்னும் கூட்டிப்
பொருள் செய்யலாம். -இது இடைநிலை விளக்கணி என்றும், தாப்பிசைப்
பொருள்கோள் என்றும் கூறப்பெறும்.‘கொள்பொருள் வெஃகிக் குடி
அலைக்கும் வேந்தன்” (திரிகடுகம் 50) எனக் கூறுவர் இம்மன்னனை. 107 | 2209. | ‘அழிவு அரும் அரசியல் எய்தி, ஆகும் என்று,
இழி வரு சிறு தொழில் இயற்றி, ஆண்டு, தன்
வழி வரு தருமத்தை மறந்து, மற்று ஒரு
பழி வரு நெறி படர் பதகன் ஆக, யான். |
‘அழிவு அரும் அரசியல் எய்தி- கெடுதல் இல்லாத அரசாட்சியை
அடைந்து’ ஆகும் என்று - (எனக்கு) எதுவும் செய்ய இயலும்என்று கருதி;
ஆண்டு - அரசாட்சி நடத்தி; தன் வழிவரு தருமத்தை மறந்து -
தன்னுடைய பாரம்பரியமான குலதருமத்தை மறந்து (கை விட்டு); மற்று -
வேறாகிய; ஒருபழிவரு நெறி - தனக்குப் பழி வந்து சேரக் கூடிய
வழியில்; படர் - விரித்துசெல்கின்ற; பதகன் - பாவியாக; யான் ஆக -
யான் ஆவேனாக.’ அரசேற்றவன் அறவழியில் நடக்க வேண்டும்; வேறு வழியில் சென்றால்
பாவியாகிறான்; அவனைப்போல நானும் ஆவேனாக என்று பரதன் சூளுரை
செய்தான். 108 | 2210. | ‘தஞ்சு என ஒதுங்கினர் தனது பார் உளோர்
எஞ்சல் இல் மறுக்கினோடு இரியல் போயுற,
வஞ்சி சென்று இறுத்தவன் வாகை மீக் கொள
அஞ்சின மன்னவன் ஆக யானுமே. |
யான் -; தஞ்சு என ஒதுங்கினர் தனது பார் உளோர் - (நீயே
எமது) அடைக்கலம்எம்மைப் பாதுகாக்க என்ற தன்னிடத்தில் வந்து
அடைந்த தன் குடிமக்கள்; எஞ்சல் இல்மறுக்கினோடு- குறைதல் இல்லாத
(அதிக) மனக் கலக்கத்தோடு; இரியல் போய் உற- கெட்டு ஓடும்படியாக;
வஞ்சி சென்று இறுத்தவன் - வஞ்சி மாலை புனைந்து மண்ணாசை
காரணமாகப்படை எடுத்துத் (தன் எல்லையில்) தங்கிய பகை அரசன்;
வாகை மீக் கொள - வெற்றிமேற்கொண்டு ஆரவாரம் செய்ய; அஞ்சின
மன்னவன் - அப்பகைவனோடு தன் உயிர் உள்ளதுணையும் தன்
மக்களைக் காப்பாற்றப் போர் செய்யாமல் பயந்த அரசன்; ஆக -
(செல்லுகின்ற தீய கதியில்) செல்வேனாக. வஞ்சி - மண்ணாசை காரணமாகப் படை எடுத்துச் சென்று பகைவர்
நாட்டு எல்லையில் தங்கிச் செய்யும் போர்ப் பகுதி. வஞ்சி என்பது
மேற்சேறல் எனப்பெறும்.அதற்கு வஞ்சிப்பூச் சூடுதல் உரித்து. வாகை -
வெற்றி; வெற்றி |