பெற்றோர் வாகைப்பூச் சூடுவர் - ‘வாகைப்பூவை மேல்சூடிக்கொள்ள’ எனலும்
ஆம். யானும், ‘உம்’ எச்சவும்மை. சிறப்பும்மை ஆகலும் ஆம்.         109

    ‘கன்னியை - திருமணம் ஆகாத கன்னிப்பெண்ணை; அழிசெயக்
கருதினோன் - கற்பழித்துக் கெடுத்தல்செய்ய நினைத்தவன்;
குருபன்னியை நோக்கினோன் - ஆசான் மனைவியைத் தீய கருத்துடன்
பார்த்தவன்; நறை பருகினோன்  - கள் உண்டவன்; இகழ் களவினில் -
(எல்லாராலும்) இகழப்படுகின்ற களவினால்; பொன் பொருத்தினோன் -
பொன்னைச்சேர்த்தவன்; எனும் இன்னவர் - என்கின்ற (நால்வராய)
இவர்கள்; உறு -அடைகின்ற; கதி - (நரக) கதி; என்னது ஆக -
எனக்குரியது  ஆகுக.’

     ‘யான்-; உண்வழி ஊண் அல நாயின் உண்டவன் - உண்ணுகின்ற
பொழுது உண்ணுதற்குஉரியது அல்லாதனவற்றை நாய்போல உண்டவன்;
ஆண் அலன் - ஆண்மைத் தன்மை உடையனல்லன்;பெண் அலன் -
(பிறப்பினால் ஆண் உருவத்தில் உள்ளபடியால்) பெண்ணும் அல்லன்; என-
என்று (உலகம் கேவலமாகப்) பேசும்படி; நாண் அலன் - அதற்குச் சிறிதும்
வெட்கப்படாதவனா யுள்ளவன்; நரகம் உண்டு என்னும் நல் உரை
பேணலன் - ‘(தீயனசெய்தால்) நல்ல அறிவுரைகளைச் சிறிதும் மதியாதவன்;
பிறர்பழி பிதற்றி -(எப்பொழுதும்) பிறரது பழிகளையே (பலரும் அறியப்)
பிதற்றிக் கொண்டு திரிபவன்; ஆக - (இந் நால்வரும் செல்லும் நரக கதியில்
சேர்வேன்) ஆக.’

     ‘நாய் போல’ என்பது, உண்ணத் தகாதன உண்ணுதல், தானே பிறரை
அடித்து  விரட்டி உண்ணுதல்ஆகியவற்றுக்கு உவமையாகக் கொள்க. பிறர்
நகைப்புக்கிடமாக வீரம், அஞ்சாமை, ஆண்மைசிறிதும் அற்றவன் ‘நாணலன்’