| 2215. | ‘ஏற்றவற்கு, ஒரு பொருள் உள்ளது, இன்று என்று
மாற்றலன், உதவலன், வரம்பு இல் பல் பகல்
ஆற்றினன் உழற்றும் ஓர் ஆதன் எய்தும் அக்
கூற்று உறு நரகின் ஒர்கூறு கொள்க, யான். |
‘யான்-; ஏற்றவற்கு- தன்னிடம் வந்து யாசித்தவனுக்கு; ஒரு பொருள்-
ஒரு பொருளை; உள்ளது என்று உதவலன் -இருக்கிறது என்று சொல்லிக்
கொடுக்காமலும்; இன்று என்று மாற்றலன் - இல்லை என்றுசொல்லி
(அவர்களைத் தம்பால் வருதலைப்) போக்காமலும்; வரம்பில் பல்பகல்
ஆற்றினன்உழற்றும் ஓர் ஆதன் - கணக்கில்லாத பல நாள்கள் செய்து
அவனை அங்கும் இங்குமாக உழல(திரிய)ச் செய்யும் ஒரு கொடிய பாவி;
எய்தும் அக்கூற்று உறு நரகின் - அடைகி்ன்றஅந்த யமவாதனை
நிரம்பிய நரகத்தில்; ஓர் கூறு கொள்க - ஒரு பங்கினை நானும்
பெறுவேனாக.’ ‘ஒல்லுவது ஒல்லும் என்றலும் யார்க்கும், ஒல்லாது இல்லென
மறுத்தலும் இரண்டும் ஆள்வினைமருங்கிற் கேண்மைப் பால; ஒல்லாது
ஒல்லும் என்றலும் யார்க்கும், ஒல்லுவது இல்லென மறுத்தலும்வல்லே,
இரப்போர் வாட்டல் அன்றியும் புரப்போர் புகழ்குறை படூஉம் வாயில்”
(புறநா.196.) என்பதும் “இசையா ஒரு பொருள் இல் என்றல் யார்க்கும் வசை
அன்று; வையத் தியற்கை; நசை அழுங்நின்று ஓடிப் பொய்த்தல்.....குற்றம்
உடைத்து” (நாலடி. 111.) என்பதும் இங்கு ஒப்பு நோக்குக.ஆதன் - மூடன்,
அறிவீனன், பசுப் போன்றவன் என்றும் பொருள்கூறுலாம். 114 | 2216. | ‘பிணிக்கு உறு முடை உடல் பேணி, பேணலார்த்
துணிக் குறு வயிர வாள் தடக் கை தூக்கிப் போய்,
மணிக் குறு நகை இள மங்கைமார்கள் முன்,
தணிக்குறு பகைஞரைத் தாழ்க, என் தலை. |
‘பேணலார்த் துணி - பகைவர்களைத் துண்டு படுத்துகின்ற;
குறுவயிரவாள்- சிறிய வலிமையான வாளை; தடக்கை தூக்கிப்போய்- நீண்ட
கைகளில் (வீரபராக்கிரமத்தோடு) தூக்கிச்சென்ற; (பின்மாட்டாமையால்)
பிணிக்கு உறு முடை உடல் பேணி - நோய்களுக்கு இடமாக(நின்று
சாவதாக) உள்ள நாற்றம் பிடித்த உடலைப் பாதுகாத்து (உயிர் வாழ
விரும்பி); மணிகுறு இள நகை மங்கைமார்கள் முன் - முத்துமணி
போன்ற இளைய புன் சிரிப்பினையுடைய மகளிர்முன்னால்; தணிக்குறு
பகைஞரை - நம்மால் தாழச் செய்யப்பட வேண்டிய பகைவர்களை; என்
தலை தாழ்க - என்தலை வணங்குவதாகுக. போரில் இறவாமல் பாதுகாத்தாலும் இந்த உடல் நிலையற்றது;
நோயால் இறந்து படக்கூடியதே, அதனைப் பாதுகாத்து மானம் கெட்டு
உயிர்வாழ்வதை விட, உயிரைப்போரில்விட்டு வீரனாக இறப்பதே மேல்
என்றான். தாழ்க்க. |