நாவாய்- (மகளிர் ஏறிச் செல்லும்) மரக்கலங்கள்; போக்கின் -
செல்லும் வேகத்தில்; ஒன்று ஒன்று தாக்க- ஒன்று மற்றொன்றோடு மோத;
பொலங்குழை மகளிர் - (அக்கலத்தில்உள்ள) பொன்னாலியன்ற குழை
அணிந்த மகளிர்; மலங்கினர் - மனம் கலங்கி; மறுகினர் - மயங்கி;
வெருவி - அச்சமுற்று;  இரண்டு பாலும் நோக்க - இரண்டுபக்கமும்
பார்க்க;  கண்கள் - (இவ்வாறு மிரண்டு பார்க்கு அவர்களின்) கண்கள்;
அலங்கும் நீர் வெள்ளம் தள்ளி அழிதர - அசைகின்ற நீர்ப்பெருக்குத்
தள்ளி நிலைகெட; அங்கும் இங்கும் கலங்கலின் - ஆற்று நீர் அங்கும்
இங்குமாகக் கலங்குவதனால்; வெருவிப் பாயும் - பயந்து துள்ளுகின்ற;
கயற்குலம் நிகர்த்த - மீன் கூட்டத்தைஒத்துள்ளன.

    இயல்பு உறு செல்வின் நாவாய்- இயல்பாகப் பொருந்திய
செலவினை உடைய மரக்கலங்கள்; இரு கையும் எயினர் தூண்ட -
இருபக்கத்தும் வேடர்கள் உந்துதலால்; துயல்வன துடுப்பு -
அசைவனவாகிய துடுப்புகள்; வீசும் துவலைகள் - வீசுகின்ற நீர்த்துளிகள்;
மகளிர் - (கலத்தில் உள்ள) மகளிரது; மென்தூசு - மெல்லிய ஆடை;
உயல்வு உறு - மறைந்து பொருந்திய; பரவை அல்குல் - பரந்த