சால நாள்-(துந்துபியிடம்) 'நீ நீண்டகாலம்;போர் செய்வாய் ஆதியேல்-
போர் செய்ய விரும்புவாயாயின்;சாரல் -இங்கு வராதே;போர் வாலி பால்
ஏகு -போர் செய்வதில் வல்ல வாலியிடம் செல்வாய்;எனா -என்று. . . . எனா என்பது அடுத்த பாடலில் 'விட' என்பதோடு முடியும். ஏலுமே -
ஏகாரம் எதிர்மறை. சிவபிரான் துந்துபியைத் தேவர்களிடம் அனுப்பப் தேவர்
தலைவனாம் இந்திரன் அவனை வாலியிடம் அனுப்பிவைத்தான். 6 | 3892. | 'அன்னவன் விட, உவந்து அவனும்
வந்து, ''அரிகள்தம்
மன்னவன்! வருக! போர்
செய்க!'' எனா, மலையினைச்
சின்ன பின்னம் படுத்திடுதலும்,
சினவி, என்
முன்னவன், முன்னர் வந்து
அனையவன் முனைதலும், |
அன்னவன் விட -அத்தேவேந்திரன் அனுப்பிவிட;அவனும் உவந்து
வந்து -அந்தத் துந்துபியும் மகிழ்ந்து கிட்கிந்தைக்கு வந்து;அரிகள் தம்
மன்னவன் -குரங்குகளுககு அரசனே!வருக போர் செய்க -வந்து
என்னோடு போர் செய்வாயாக;எனா -என்று சொல்லிக் கொண்டு;
மலையினை -அம்மலையை;சின்ன பின்னம் படுத்திடுதலும் -பலவாறு
நாசப்படுத்துகையில்;என் முன்னவன் சினவி -என் தமையனான வாலி
சினங் கொண்டு;முன்னர் வந்து -எதிரில் வந்து;அனையவன் முனைதலும்
-அந்த அசுரனோடு போர் செய்த அள வில். . . . 'முனைதலும்' என்பது அடுத்த பாடலில் வரும் 'உணர்ந்திலர்'
என்பதனோடு முடியும் அன்னவன் - அகரச்சுட்டு அடியாக வந்த சொல்.
தேவேந்திரன் சொற்படியே துந்துபி வாலியிடம் சென்று போருக்கு அழைக்க
இருவரும் போர் புரியலாயினர் என்பதாம். 7 | 3893. | 'இருவரும் திரிவுறும் பொழுதின்
இன்னவர்கள் என்று
ஒருவரும் சிறிது
உணர்ந்திலர்கள்;எவ்உலகினும்,
வெருவரும் தகைவுஇலர், விழுவர்,
நின்று எழுவரால்;
மருவஅருந்தகையர்,
தானவர்கள் வானவர்கள்தாம். |
|