அங்கதனுக்கு இராமன் அறிவுரை | 4140. | வாலி காதலனும், ஆண்டு,
மலர் அடி வணங்கினானை,
நீல மா மேகம் அன்ன
நெடியவன், அருளின் நோக்கி,
'சீலம் நீ உடையை ஆதல்,
இவன் சிறு தாதை என்னா,
மூலமே தந்த நுந்தை ஆம்
என, முறையின் நிற்றி.' |
ஆண்டு மலரடி வணங்கினானை -அப்பொழுது தன் மலர் போன்ற
திருவடிகளில் வணங்கியவனான;வாலி காதலனும் -வாலியின் மகனான
அங்கதனையும்;நீலமாமேகம் அன்ன நெடியவன் -நீல நிறம் வாய்ந்த
சிறந்த மேகத்தையொத்த பெரியவனான இராமன்;அருளின் நோக்கி -
கருணையோடு பார்த்து;நீ சீலம் உடையை ஆதல் -'நீ ஒழுக்கம்
உடையவன் ஆகுக;இவன் சிறு தாதை என்னா -இந்தச் சுக்கிரீவனை உன்
சிறிய தந்தை என்று கருதாமல்;மூலமே தநத் நுந்தை ஆம் என -உன்
பிறப்பிற்குக் காரணமாகிய உன் தந்தையாகவே கொண்டு;முறையின் நிற்றி -
அவன் கட்டளைப்படி நிற்பாயாக! இப்பாடல் அடுத்த பாடலில் உள்ள 'என்றான்' என்பதனோடு இயையும்.
வணங்கினான் (ஆகிய) வாலி காதலனையும் என உருபு பிரித்துக் கூட்டுக. நீல
மேகம் இராமனுக்கு உவமை. நெடியவன் = பெருமைக்குரியவன்; மாவலின்
பொருட்டு நீண்டனுமாம். ஆதல் என்பதற்கு ஆதலால் என்றும் பொருள்
கொள்ளலாம். 26 | 4141. | என்ன, மற்று இனைய கூறி,
'ஏகு அவன் - தொடர' என்றான்;
பொன் அடி வணங்கி, மற்று
அப் புகழுடைக் குரிசில் போனான்;
பின்னர், மாருதியை நோக்கி,
'பேர் எழில் வீர! நீயும்,
அன்னவன் அரசுக்கு ஏற்றது
ஆற்றுதி, அறிவின்' என்றான். |
என்ன மற்று -என்று மேலும்;இனைய கூறி -இத்தகைய
வார்த்தைகளைக் கூறி;அவன் - தொடர ஏகு என்றான் -'அந்தச்
சுக்கிரீவனைத் தொடர்ந்து செல்வாயாக' என்று கூறினான்;மற்று -அதன்
பின்;அப்புகழுடைக் குரிசில் -புகழ் பொருந்திய சிறந்த அங்கதன்;பொன்
அடி வணங்கி -(இராமனுடைய) பொன் போன்ற பாதங்களில் வணங்கி;
போனான் -கிட்கிந்தை நகருக்குச் சென்றான்;பின்னர் |