| | உயர்ந்த வெஞ் சின வானரப்
படையொடும், ஒருங்கே, -
சயம்தனக்கு ஒரு வடிவு எனத்
திறல் கொடு தழைத்த
மயிந்தன் - மல்
கசகோமுகன்தன்னொடும், வந்தான். * |
சயம் தனக்கு ஒரு வடிவென -வெற்றியே ஓர் உருக் கொண்டது
என்று கூறும்படி;திறல் கொடு தழைக்க -போர் வன்மையால் உயர்ந்த;
மயிந்தன் -மயிந்தன் என்னும் வீரன்;மல் கச கோமுகன் தன்னொடும் -
மற்போரில் சிறந்த கச கோமுகன் என்பவனோடும்;இயைந்த பத்து
நூறாயிரம் பத்து எனும் கோடி -பொருந்திய நூறு லட்சங் கோடி என்ற
எண்ணுள்ள;உயர்ந்த வெம் சின வானரப் படையொடும் -மிகக் கொடிய
சினத்தையுடைய வானர சேனையோடும்;ஒருங்கே வந்தான் -ஒரு சேர
வந்தான். மயிந்தனும் கசகோமுகனும் நூறு லட்சங் கோடி சேனையுடன் வந்தார்கள்
என்பது. மயிந்தனும் துமிந்தனும் அசுவினி தேவர்களின் அமிசத்தால் பிறந்த
வானரராவர். 14 | 4421. | கோடி கோடி நூறாயிரம்
எண் எனக் குவிந்த
நீடு வெஞ் சினத்து அரிஇனம்
இரு புடை நெருங்க,
மூடும் உம்பரும், இம்பரும்,
பூமியில் மூழ்க, -
தோடு இவர்ந்த தார்க்கிரி புரை
துமிந்தனும் - தொடர்ந்தான். |
தோடு இவர்ந்த தார்க்கிரி புரை -இதழ்கள் அமைந்த மலர்
மாலையை அணிந்தவனும் மலையை ஒத்தவனுமான;துமிந்தன் -துமிந்தன்
என்னும் வீரனும்;கோடி கோடி நூறு ஆயிரம் எண் எனக் குவிந்த -பல
கோடி இலட்சக் கணக்காக நிறைந்த;நீடு வெஞ்சினத்து அரி இனம் -மிகக்
கொடிய கோபத்தையுடைய வானரக் கூட்டம்;இரு புடை நெருங்க -இரு
பக்கங்களிலும் நெருங்கி வரவும்;மூடும் உம்பரும் -பூமியின்மேல் கவிந்த
ஆகாயமும்; இம்பரும் பூமியில் மூழ்க -இவ் வுலகமும் (அச்சேனைகள்
வரும் போது எழும்) புழுதியில் மறைந்து விடவும்;தொடர்ந்தான் -பின்
வந்தான். வீடணன் இராமனிடம் சரண்புக வருகையில் அவனை முதன் முதலாக
எதிர்கொண்டவர்கள் இவ்விருவருமேயாவர். 15 |