முறையாகத் தெரியும்படி (அவனுக்குக்) காண்பித்து;ஆண்டு இருந்தனன் -
அந்த இடத்தில் இருந்தான் (அப்போது);ஈண்டு சேனை -திரண்ட அந்த
வானர சேனையானது;எறி பாற் கடல் -அலை வீசுகின்ற பாற்கடல்;நெறி
படர்ந்து என்ன -வழியில் சென்றது போல;ஆர்த்து உருத்து எழுந்தது -
பேராரவாரம் செய்து (பிறர்க்கு) அச்சம் உண்டாகப் புறப்பட்டது. சுக்கிரீவன் வானரப் படைகளன் வரலாறுகளை இராமனுக்குச்
செம்மையாக விளங்கச் சொன்னான் என்பது. வானரப் படைக்குப் பாற்கடல் உவமை: நிறத்தாலும் ஆரவாரத்தாலும்
பாற்கடல் அலைகள் வானர சேனைக்கு உவமையாயின. ஐயரவர்கள் நூலகப்
பதிப்பில் இப்பாடல் இடம் பெறவில்லை. 31 வானரப் படையின் பெருக்கம் | 4438. | எட்டுத் திக்கையும், இரு
நிலப்பரப்பையும், இமையோர்
வட்ட விண்ணையும், மறி
கடல் அனைத்தையும், மறையத்
தொட்டு மேல் எழுந்து
ஓங்கிய தூளியின் பூமி,
அட்டிச் செம்மிய நிறை குடம்
ஒத்தது, இவ் அண்டம். |
எட்டுத் திக்கையும் -எட்டுத் திசைகளையும்;இரு நிலப்
பரப்பையும்-பெரிய பூமியின் விரிந்த இடம் முழுவதையும்;இமையோர்
வட்டவிண்ணையும் -தேவர்கள் வாழ்கின்ற வட்டவடிவமான மேலுலகத்
தையும்;மறிகடல் அனைத்தையும் -அலைகள் வீசும் ஏழு கடல்களையும்;
மறைய- மறையும்படி;தொட்டு மேல் எழுந்து ஓங்கிய -தரையிலிருந்து
மெலெழுந்து பரந்த;தூளியின் -(படைகளின்) புழுதியால்;இவ் அண்டம் -
இந்த அண்ட கோளமானது;பூழி அட்டிச் செம்மிய -புழுதியை இட்டு
மூடிய;நிறை குடம் ஒத்தது -நிறை குடத்தை ஒத்திருந்தது. புழுதியால் நிறைந்த நிறைகுடத்தைத் தூளியால் நிரம்பிய அண்ட
கோளத்திற்கு உவமையாக்கினார். தன்மைத் தற்குறிப்பேற்றவுவமையணி. 32 | 4439. | அத்தி ஒப்பு எனின்,
அன்னவை உணர்ந்தவர் உளரால்;
வித்தகர்க்கு இனி உரைக்கலாம்
உவமை வேறு யாதோ? |
|