படைத்த;வரம் கொள் -மேன்மையைப் பெற்ற;பேர் உலகத்தினில் -இப்
பெரிய உலகத்திலுள்ள;மற்றை மன் உயிர்கள் -நிலை பெற்ற மற்றைய
உயிரினங்களை;உயிர் படைத்து எழுந்தன -உயிர் பெற்று வந்தனவாகிய;
உரம் கொள் -வலிமை கொண்ட;மால் வரை ஒக்கும் .பெரிய
மலைகளைப் போன்ற;குரங்கின் மா படைக்கு -இந்தப் பெரிய வானர
சேனைக்கு;உறை இட -உறையிட்டுக் கணக்கிடுவதற்காகவே;படைத்தனன்
கொல் -படைத்தான் போலும். பிற உயிர்களெல்லாம் இச் சேனையிலுள்ள வானரத் தொகைக்கு
உறையிடு வதற்கென்றே படைக்கப்பட்டனபோலும் என்பது. உறை: பெரிய எண்ணைக் குறிப்பிட அடையாளமாக வைக்கும் சிறு
பொருள். 'அலருளோன் ஆதியாக ஒழிந்த வேறு உயிர்களெல்லாம் அரக்கருக்கு
உறையும் போதா' (4868) 'உறையிடவும் போதார்' - (5344) என்ற இடங்களிலும்
இக்கருத்து வந்துளது. 39 | 4446. | 'ஈண்டு, தாழ்க்கின்றது என், இனி -
எண் திசை மருங்கும்,
தேண்டுவார்களை வல்லையில்
செலுத்துவது அல்லால்?
நீண்ட நூல்வலாய்!' என்றனன்,
இளையவன்; நெடியோன்,
பூண்ட தேரவன் காதலற்கு,
ஒரு மொழி புகலும்: |
நீண்ட நூல் வலாய் -பெருமை வாய்ந்த நூல்களில் வல்லவனே;
எண்திசை மருங்கும் -எட்டுத் திசைகளினிடங்களிளெல்லாம்;தேண்டு
வார்களை -(சீதையைத்) தேடுவதற்கு உரியவர்களை;வல்லையில்
செலுத்துவது அல்லால் -விரைவாக அனுப்புவதல்லாமல்;இனி ஈண்டுத்
தாழ்க்கின்றது என் -இனிமேலும் இங்கிருந்து காலதாமதம் செய்வது
எதற்காக? என்றனன் இளையவன் -என்று இலக்குவன் கூறினான்.
நெடியோன் -பெருமை மிக்கவனான இராமன்;பூண்ட தேரவன் காதலற்கு-
ஏழு குதிரைகள் பூட்டப்பெற்ற தேரையுடையவனான சூரியன் மகனாகிய
சுக்கிரீவனுக்கு;ஒரு மொழிபுகலும் -ஒரு வார்த்தைசொல்லலானான். 40 |