இராமனிடம் சொல்லியிருக்கக் கூடுமாதலால் இங்கு அடையாளமாக அது
குறிக்கப் பெற்றது.                                              68

     சூழி மால் யானையி்ன் -முகபடா மணிந்த மதம் பிடித்த ஆண்
யானையினது;துணை மருப்பு இணையென -ஒன்றோடு ஒன்று ஒத்து
விளங்கும் இரண்டு தந்தங்கள் என்று கூறும்படி;கேழ் இலா -(அவற்றிற்கு)
ஒப்பாகாத;வனம் முலைக்கிரி -அழகிய முலைகளாகிய மலைகளை;சுமந்து
-தாங்கி;இடைவது -(பாரத்தைப் பொறுக்க முடியாமல்) ஒடிவதாகிய;ஓர்
வானமின் இளங்கொடியின் -ஒப்பற்ற வானத்திலுள்ள மின்னலின்
இளங்கொடி போல;வந்தாளை -வந்த வளாகிய சீதையை;அன்று -அக்
காலத்தில்;ஆழியான் அரசவைக் கண்டதும் -ஆணைச் சக்கரமுடைய
சனக மன்னனது சபையில் பார்த்ததையும்;அறைகுவாய் -சொல்வாய்.

     முலைக் கிரியைச் சுமக்கும் மின்னிளங் கொடி சீதைக்கு,
இல்பொருளுவமை.  சூழி: யானையின் முகத்திடும் அணி. வாழி - அசை. 69

     ஏழை-மடமைப் பண்பு மிக்கவளே!நீ - நீ;முன்பு நான் அறிகிலா-
இதுவரை நான் கண்டறியாத;முளிநெடுங் கானிலே -தீய்ந்து போன பெரிய
காட்டிலே;என் பினே போதுவான் -என்னைப் பின் தொடர்ந்து வருமாறு;
நினைதியோ -கருதுகின்றாயோ?இன்பம் ஆய் -(இதுவரை நீ எனக்கு)
மகிழ்ச்சியைத் தந்தவளாயிருந்து;ஆர் உயிர்க்கு -(எனது) பெறுதற்கு
அருமையான உயிருக்கும்;இனியை ஆயினை -