போன்ற கருநிறத்தையுடைய கடவுளான திருவேங்கடவனது;அலங்கு தாள்
இணை -விளங்குகின்ற இரண்டு திருவடிகளையும்;தாங்கிய -தாங்கி நின்ற;
அம்மலை -அத் திருவேங்கடமலையில் வாழ்கின்ற;விலங்கும் -
மிருகங்களும்;வீடு உறுகின்றன -மோட்சத்தையடைகின் றன
(அவ்வாறானால்);மெய்ந் நெறி புலன் கொள்வார்கட்கு -உண்மை
நெறியான தவ நியமங்களில் தன் மனத்தைச் செலுத்தும் யோகியர்
முதலோர்க்கு;அனையது - அந்த மோட்சமானது;பொய்க்குமோ-
கிடைக்காமல் தவறிப் போகுமோ? (தவறிப் போகாது). மிகப் பெருஞ்சிறப்பு வாய்ந்த அத் திருவேங்கட மலையில் வாழும்
மிருகங்களும் வீட்டுலகத்தையடையுமென்றால் தவவொழுக்கங்களில் நடக்கின்ற
யோகியர் முதலோர்க்கு அந்த வீட்டுலகம் கிடைப்பது தவறுமோ என்பது.
விலங்கும்: உம்மை இழிவுசிறப்பு. திருவேங்கடமலை வீட்டுப் பதவியைத்
தவறாது அளிக்கவல்லதாகையால்தான் 'எம்பெருமான் பொன்மலையில்
ஏதேனும் ஆவேனே' (பெருமாள் திருமொழி 4 : 10) என்றார் குலசேகராழ்வார்.
36 | 4630. | ஆய குன்றினை எய்தி, அருந்தவம்
மேய செல்வரை மேயினர், மெய்ந் நெறி
நாயகன்தனை நாளும் வணங்கிய
தூய நல் தவர் பாதங்கள் சூடினார். |
ஆய குன்றினை -(வானரவீரர்) அத்தகைய தூய்மையும் சிறப்பும்
அமைந்த திருவேங்கடமலையை;எய்தி -அடைந்து;அருந்தவம் மேய
செல்வரை -அரிய தவத்தைப்பொருந்திய தவயோகிகளை;மேவினர் -
அடைந்து;மெய்ந்நெறி நாயகன்தனை -என்றும் அழியாத
மோட்சநிலைக்குத் தலைவனான திருவேங்கடநாதனை;நாளும் வணங்கிய -
தினமும் வணங்கி வழிபாடு செய்த;தூய நல்தவர் -தூய்மையான சிறந்த
தவத்தையுடைய அப் பெரியவர்களின்;பாதங்கள் சூடினார் -திருவடிகளைத்
தம் தலைமேல் சூடி வணங்கினார்கள். திருவேங்கட நாதனை வணங்குகின்ற பெரும்பேறு பெற்றுள்ளவராதலால்
அவர்களை 'அருந்தவமேய செல்வர்', 'தூய நல் தவர்' என்றுகூறினார். 37 தொண்டை நாட்டை அடைதல் | 4631. | சூடி, ஆண்டு அச்
சுரி சூழல் தோகையைத்
தேடி, வார் புனல் தெண்
திரைத் தொண்டை நல்
நாடு நண்ணுகின்றார்,
மறை நாவலர்
வேடம் மேயினர், வேண்டு
உரு மேவுவார். |
|