அறுசீர் ஆசிரிய விருத்தம் | 4731. | ''' இலங்கையை இடந்து வேரோடு இவ்
வயின் தருக'' என்றாலும்,
''விலங்கினர் தம்மை எல்லாம்
வேரொடும் விளிய நூறி,
பொலங் குழை மயிலைக் கொண்டு
போது'' எனப் புகன்றிட்டாலும்,
கலங்கலீர்! உரைத்த மாற்றம்
முடிக்குவல் கடிது; காண்டிர்! * |
இலங்கையை -(அனுமன் சாம்பவானைப் பார்த்து) இலங்கை நகரை;
வேரோடு இடந்து -வேரோடு பெயர்த்தெடுத்து;இவ்வயின் தருக
என்றாலும் -இந்த இடத்திற்குக் கொண்டு வரவேண்டுமென்று (நீங்கள்)
கூறினாலும்;விலங்கினர்தம்மை எல்லாம் -எதிர்த்துத்
தடுப்போரையெல்லாம்;வேரொடும் விளிய நூறி -அடியோடு அழியுமாறு
பொடிப் பொடியாக்கி;பொலங் குழை மயிலை -பொன்னாற் செய்த
குழையையணிந்த மயில்போன்ற சாயலையுடைய சீதையை;கொண்டு போது
என -எடுத்துக் கொண்டுவா என்று;புகன்றிட்டாலும் -சொன்னாலும்;
உரைத்த மாற்றம் முடிக்குவல் -(நீங்கள்) கூறிய சொற்படியே செய்து
முடிப்பேன்;கடிது காண்டிர் -(அதை) விரைவிலே கண்கூடாகக் காண்பீர்கள்;
கலங்கலீர் -(ஆகவே) கலங்காதீர்கள். கடலைக் கடந்து சீதையைக் கண்டு வருதல் எவ்வாறு முடியுமென்ற
சிந்தை உங்களுக்குச் சிறிதும் வேண்டா என்ற கருத்துப்படக் 'கலங்கலீர்'
என்றார். முடிக்குவல்: தன்மையொருமை எதிர்கால வினைமுற்று. 21 | 4732. | 'ஓசனை ஒன்று நூறும் உள்
அடி உள்ளது ஆக,
ஈசன் மண் அளந்தது ஏய்ப்ப,
இருங்கடல் இனிது தாவி,
வாசவன் முதலோர் வந்து
மலையினும், இலங்கை வாழும்
நீசரை எல்லாம் நூறி
நினைத்தது முடிப்பல்; பின்னும், |
ஈசன் -திருமால்;மண் அளந்தது ஏய்ப்ப -உலகத்தையளந்தது
போல;ஓசனை ஒன்று நூறும் -(இங்கிருந்து இலங்கைவரை) நூறு யோசனை
தூரப் பரப்பையும்;உள் அடி உள்ளது ஆக -உள்ளங் காலின் ஓரடி
வைப்புக்குள் அடங்கும்படியாக;இருங்கடல் இனிது தாவி -பெரிய கடலை
மிக எளிதாகத் தாண்டி;வாசவன் முதலோர் -இந்திரன் |