பகு வாய மடங்கல் வைகும் -திறந்த வாயையுடைய ஆண்சிங்கங்கள்
வாழ்கின்ற;படர் வரை முழுதும் -பரந்துள்ள அந்த மகேந்திர மலை
முழுவதும்;மூழ்க -(அனுமனது பாரம் அழுத்துதலால்) கீழேயழுந்தவும்;
ஊழின் நெகு வாய -வரிசையாகத் தோன்றும் சிதைந்த இடங்களையுடைய;
சிகர கோடி -அந்த மலையின் சிகரங்கள் பலவும்;நெரிவன தெரிய -
நெரிந்து பொடியாக;விடம் உகுவாய கொள் நாகத்து ஒத்த -நஞ்சைக்
கக்குகின்ற வாயையுடைய பாம்பினைப் போன்ற;வால் சுற்றி -வாலினால்
(தன்னுடம்பைச் சுற்றிக் கொண்டு);நின்றான் -(பேருருவத்தோடு)
நின்றவனாகிய அனுமன்;மக ஆமை முதுகில் தோன்றும் -திருமாலாகிய
பெரிய ஆமை முதுகின்மேல் விளங்கித் தோன்றிய;மந்தரம் எனலும்
ஆனான் - மந்தரமலை என்று சொல்லத்தக்கவனுமானான்.

     அனுமன் உடற்சுமையால் தரையில் அழுந்துகின்ற மகேந்திரமலை -
கூர்மாவதார ஆமைக்கும் மகேந்திரமலையில் நின்ற அனுமன் - பெரிய
கூர்மத்தால் தாங்கப்பெற்ற மந்தரமலைக்கும், அனுமனது உடலைச் சுற்றிய
அவனது வால் - மந்தர மலையைச் சுற்றிய வாசுகிக்கும் ஒப்பாயின என்றார்.
                                                           28

     மின் நெடுங் கொண்டல் -மின்னலோடு கூடிய பெரிய மேகங்கள்;
தாளின் வீக்கிய -(தன்) காலில் கட்டப்பெற்ற;கழலின் ஆர்ப்ப -வீரக்
கழல்போல ஒலிக்கவும்;தன் நெடுந்தோற்றம் -நீண்டுயர்ந்த தனது பெரிய
உருவமானது;வானோர் கட்புலத்து எல்லை தாவ -தேவர்களின்
கண்பார்வையாகிய எல்லையைத் தாண்டிச் செல்லவும்;வல் நெடுஞ் சிகர
கோடி -வலிய பெரிய சிகரங்களின் தொகுதியையுடைய;மகேந்திரம் -
மகேந்திர மலையானது;அண்டம் தாங்கும் பொன் நெடுந் தூணின் -இந்த
அண்டகோளத்தைத் தாங்கி நிற்கும் பொன்மயமான பெரிய தூணின்;பாத
சிலை என -அடியிலிட்ட கல்லைப் போல விளங்கவும்;பொலிந்து
நின்றான்-(அந்த மகேந்திர மலையின் மேல் பேருருவத்துடன்) (அனுமன்)
நிமிர்ந்துநின்றான்.

     அனுமன் உலகைத் தாங்கும் தூண்போல நின்றான் என்பதும், அவன்
நின்ற மலை அத் தூணின் அடியிலிட்ட கல்லைப்போல விளங்கிற்று என்பதும்
விளங்கும்.

     தற்குறிப்பேற்றவணி.