இந்தச்சத்துருவான அரக்கரைக் கொல்லாமல் வெறுமே சாகேன்
என்பது பழையவுரை (அடை -பதி). (227) | 5062. | “கண்ணியநாள் கழிந்துளவால்;
கண்டிலமால்கனங்குழையை
விண்ணடைதும்”என்றாரை
ஆண்டுஇருத்தி விரைந்த யான்,
எண்ணியதுமுடிக்ககிலேன்!
இனி முடியாதுஇருப்பேனோ ?
புண்ணியம் என்றுஒருபொருள்
என்னுழைநின்றும் போயதால். |
கண்ணியநாள் -(சுக்கிரீவனால்) குறிப்பிட்ட நாள்; கழிந்துள -
கடந்தபடியுள்ளன; கனங்குழையை - சீதாபிராட்டியை; கண்டிலம் -
கண்டோம் இல்லை (ஆதலால்); விண் அடைதும் - இறந்த விண்ணுலகத்தை
அடைவோம்; என்றாரை - என்று கூறிய அங்கதன் முதலானவரை; ஆண்டு
- அந்த மகேந்திரமலையில்; இருத்தி - உயிரோடு வாழச்செய்து; விரைந்த
யான் - வேகமாக இலங்கையை அடைந்த யான்; எண்ணியது - கருதிய
செயலை; முடிக்ககிலேன் - நிறைவேற்றினேன் இல்லை; இனி - இப்போது;
முடியாது - இறவாமல்; இருப்பேனோ - உயிருடன் வாழ்வேனோ;
புண்ணியம் என்று - அறம் என்று பேசப்படும்; ஒருபொருள் - ஒப்பற்ற
பொருள்; என் உழைநின்றும் - என்பக்கத்திலிருந்து; போயது -
நீங்கிவிட்டது. தர்மம் என்னும்புனிதப்பொருள் என்னை விட்டு நீங்கி விட்டது.
கழிந்துளவால்,போயதால் என்பனவற்றில் உள்ள ஆல் அசை.
கனங்குழை - ஆகுபெயர் என்பர் அழகர். அன்மொழித்தொகை என்பர்
முனிவர். (228) | 5063.. | ஏழு நூறுஓசனை சூழ்ந்து
எயில்கிடந்தது இவ் இலங்கை
வாழும் மா மன்உயிர், யான்
காணாதமற்று இல்லை;
ஊழியான்பெருந்தேவி
ஒருத்தியுமேயான் காணேன்
ஆழி தாய், இடர்- ஆழியிடையே
வீழ்ந்துஅழிவேனோ ? |
|