ஏழுநூறு ஓசனை - எழுநூறு யோசனை அளவுக்கு; எயில் ஆழ்ந்து
-  மதிலால் சூழப்பெற்று; கிடந்தது - பரவியிருப்பதாகிய; இவ் இலங்கை -
இந்த இலங்கை மாநகரில்; வாழும் - வாழ்கின்ற; மா மன்னுயிர் - சிறந்த
நிலைபெற்ற பிராணிகளுள்; யான் காணாத - யான் பார்த்திராதவை; இல்லை
- கிடையாது; ஊழியான் - ஊழிகளின் தலைவனான இராமபிரானின்;
பெருந்தேவி - பெருந்தேவியாகிய; ஒருத்தியுமே - ஒப்பற்றவள் மட்டுமே;
யான் காணேன் - நான் பார்க்கவில்லை; ஆழிதாய் - (நீர்) கடலைக் கடந்து;
இடர் ஆழியிடையே - துன்பமாகிய கடலில்; வீழ்ந்து - அழுந்தி;
அழிவேனோ - இறப்பேனோ.

     ஓசனை - நான்குகாதம். ‘ஓசனை கமழும்’ என்னும் சிந்தாமணித்
தொடர்க்கு ‘நான்கு காதம் எல்லை நாறும்’ என்று இனியர் உரை வகுத்தார்.
மற்று - அசை.

     உயிர் என்றதுபிராணிகளை - உயிர் எல்லாம் தன் உயிர் என நல்கும்
அந்தணன் (வனம்புகு - 22).

     பெருந்தேவி -பட்டத்தரசி. உடன் முடிகவித்த இயற்பெருந்தேவி
(பெருங்கதை 2.4.24).                                         (229)

     கல் - மலைகளைக்கூட;அரக்கும் - பொடியாக்கும்; கரதலத்தால் -
(என்னுடைய) கைகளால்; வல் - வலிமை உடைய; அரக்கன்தனை -
இராவணனை; வாய் - வாய்வழியாக; குருதிஆறுஉக - இரத்த நதி
பெருக்கெடுக்க; பற்றி - இறுக்கிப் பிடித்து; காட்டு என்று - பிராட்டியைக்
காட்டுக என்று; காண்கேனோ -  காண்பேனோ (அல்லது); எல் -
சூரியனையே; அரக்கும் - வருத்துகின்ற; அயில் -  கூர்மையான; நுதிவேல்
- நுனியை உடைய வேலேந்திய; இராவணனும் - இராவணனும்; இவ்வூரும் -
இந்த இலங்கையும்; மெல் அரக்கின் - மென்மையான அரக்கைப்போல;