பெரிய கைகளால்;மண் நின்றும் வாங்கி - தரையிலிருந்தும் (அந்தச்
சயித்தத்தை - மண்டபத்தை) எளிதாகப் பெயர்த்தெடுத்து,

     இதுவும் அடுத்தகவியும் குளகமாகும்.                      (53)

     இலங்கை தன்மேல் விட்டனன் - பேர்த்தெடுத்த அம்மண்டபத்தை)
இலங்கை நகர் மீது வீசி எறிந்தான்; (அதனால்) விண் உற விரிந்த மாடம் -
வானத்தை அளாவும்படி பரவியிருந்த மாளிகைகள்; பட்டன பொடிகள் ஆன
- மோதப் பட்டனவாய்ப் பொடிகளாக உதிர்ந்தன; பாங்கு நின்ற பகுத்தன -
பக்கத்தில் நின்ற கட்டிடங்களும் பிளவுபட்டன; பொறிகள் வீழச் சுட்டன -
நெருப்புப் பொறிகள்  விழுவதனால், பொருள்களையெல்லாம் சுட்டெரித்தன;
வீரர் அரக்கர் தாமும் துளங்கினர் கெட்டனர் - எதற்கும் கலங்காத
அரக்கரில் உண்மையான வீரர்களும் அழிந்தொழிந்தார்கள்; கேடு சூழ்ந்தார்
பிழைப்பரோ ? - பிறர்க்குக் கேடு செய்தவர்கள் அந்தத் தீவினைப் பயனை
அனுபவியாது தப்புவார்களோ ? (தப்ப மாட்டார்கள்).

     ‘கேடு சூழ்ந்தார்பிழைப்பரோ’ என்ற பொதுப் பொருளைக் கொண்டு.
‘அரக்கர் கெட்டனர்’ என்ற சிறப்புப் பொருள் விளக்கப்பட்டது. வேற்றுப்
பொருள் வைப்பணி. அம்மா என்ற இடைச்சொல் இரக்கத்தைச் சுட்டியது. (54)

பருவத் தேவர்இராவணனிடம் சென்று கூறுதல்