சினர் - (சேனாபதிகள்)கைகளால் கும்பிட்டு வணங்கினர்; அரக்கனும்
இசைந்தான் - இராவணனும் அதற்கு உடன்பட்டான். தமக்கு முன்அனுமனோடு போர் செய்யச் சென்றோர் வலிமை
குறைந்தவர்கள் என்றும் தாங்களே அனுமனை எதிர்த்த பொழுது வெல்ல
வல்லவர்கள் என்றும் பஞ்சசேனாபதிகள் கூறுகின்றனர். (4) பஞ்சசேனாபதிகளின் கட்டளைப்படி படைகள் திரளுதல் | 5605. | உலகம்மூன்றிற்கும் முதன்மை பெற்றோர் என
உயர்ந்தார்,
திலகம் மண் உறவணங்கினர்; கோயிலின் தீர்ந்தார்;
‘அலகு இல் தேர்,பரி, கரியொடு ஆள் மிடைந்த
போர் அரக்கர்,
தொலைவு இலாதனகதுமென வருக’ எனச்
சொன்னார். |
மூன்று உலகிற்கும்முதன்மை பெற்றோர் என உயர்ந்தார் -
மூன்றுஉலகங்களுக்கும் தலைமை பெற்றவர் போன்று உயர்ந்தவரான பஞ்ச
சேனாபதிகள்; திலகம் மண் உற வணங்கினர் - தமது நெற்றித்திலகம்
தரையில் படும்படி இராவணனை நோக்கிக் கீழே விழுந்து வணங்கினார்கள்;
கோயிலின் தீர்ந்தார் - (பிறகு) அரண்மனையை விட்டு வெளி வந்து;
தொலைவு இலாதன - எளிதில் அழிவில்லாதனவாகிய; அலகு இல் தேர்,
பரி கரியொடு - அளவற்ற தேர்களும் குதிரைகளும், யானைகளும் (என்ற இச்
சேனையோடு); மிடைந்த போர் அரக்கர் - நெருக்கமாக உள்ள போர்
செய்யவல்ல அரக்கவீரர்கள்; கதும் என வருக எனச் சொன்னார் -
விரைவாக வரக்கடவர் என்று கட்டளையிட்டார்கள். (5) | 5606. | ஆனைமேல்முரசு அறைந்தனர் வள்ளுவர்
அமைந்தார்;
பேன வேலையின்புடை பரந்தது, பெருஞ் சேனை;
சோனை மா மழைமுகில் எனப் போர்ப் பணை
துவைத்த;
மீன வான் இடுவில் எனப் படைக்கலம் மிடைந்த. |
|