விடுதியால் - கூத்தாடுதலைவிடுவாய்; எனா - என்று சொல்லி; பூந்தளிர்
கைகளால் - மலரையும் தளிரையும் போன்ற தனது கைகளால்; மெய் உறப்
புல்லினாள் - (அரக்கனுடைய) உடலை இறுகத் தழுவிக் கொண்டாள். முன் செய்யுளின்கற்பனை மேலும் விரிந்து பேரவல வீரத்தைப்
புலப்படுத்திற்று. (47) இராவணனிடம்மண்டோதரி முதலியோர் அழுது புலம்புதல்
கலிவிருத்தம்
(வேறுவகை) | 5715. | கயல்மகிழ் கண் இணை கலுழி கான்று உக,
புயல் மகிழ் புரிகுழல் பொடி அளாவுற,
அயன் மகன் மகன்மகன் அடியின் வீழ்ந்தனள்,
மயன் மகள்;வயிறு அலைத்து அலறி மாழ்கினாள். |
மயன் மகள் -அசுரசிற்பியாகிய மயனது மகளான மண்டோதரி; கயல்
மகிழ் கண் இணை - கயல் மீன் போன்று மதர்த்திருக்கும் கண்கள்
இரண்டும்; கலுழி கான்று உக - நீர் பெருகச் சிந்தவும்; புயல் மகிழ்புரி
குழல் பொடி அளாவுற - காள மேகத்தை ஒத்த முறுக்கிவிட்ட கூந்தல்
மண்ணின் புழுதியிலே புரளவும்; அயன் மகன் மகன் மகன் - பிரமதேவன்
குமாரனான புலத்திய முனிவரின் மகனாகிய விச்ரவஸ் என்பவனது மகனாகிய
இராவணனது; அடியில் வீழ்ந்தனள் - பாதங்களில் விழுந்து; வயிறு
அலைத்து - வயிற்றில் அடித்துக் கொண்டு; மாழ்கினாள் - கதறிப்
புலம்பினாள். மண்டோதரி, தன்குமாரன் அட்சன் (அக்ககுமாரன்)
இறக்கக்காரணமாயிருந்த இராவணனது கால்களில் விழுந்து அழுது
புலம்பினாள். மகளிர், பெரும் துக்கம் வந்த போது, வயிற்றில் அடித்துக்
கொள்ளும் இயல்பினராவர். (48) | 5716. | தா அருந்திரு நகர்த் தையலார் முதல்
ஏவரும், இடைவிழுந்து இரங்கி ஏங்கினார்;
காவலன்கால்மிசை விழுந்து, காவல் மாத்
தேவரும் அழுதனர்,களிக்கும் சிந்தையார். |
|