(அனுமன்)

     ஊறு - துன்பங்கள்; கடிது ஊறுவன - வேகமாக அடைகின்றன;
ஊறுஇல் அறம் - அழிவில்லாத தருமத்தை; உன்னா - மதியாத; தேறல்இல்
அரக்கர் - ஆராய்தல் இல்லாத அரக்கர்கள்; புரிதீமை அவைதீர -
செய்கின்ற அந்ததத் தீமை நீங்க; ஏறும் வகை எங்குளது -
(துன்பங்களிலிருந்து) ஏறுகின்ற வழி எங்கே இருக்கிறது? இராமஎன எல்லாம்
மாறும் - இராம என்றுகூற எல்லாத் துன்பமும் (இன்பமாக) மாறும்; அதின்
பிறிது மாறு இல் - அதைவிட வேறான பரிகாரம் இல்லை; என - என்று;
மனத்திடை நினைத்தான் - மனத்திலே உறுதிப் படுத்திக்கொண்டான்.

     அனுமன்,துன்பங்கள் அதிகமாக வருகின்றன. அவை நீங்க
இராமநாமத்தைச் செபிக்க வேண்டும் என்று கருதினான்.            (88)
 

அறுசீர் விருத்தம்

     பிரசம் அசும்புடை- தேன்கசிதலைப் பெற்ற; தெய்வக் கற்பக
நாட்டை அண்மி - கற்பக மரங்கள் செழித்த தேவலோகத்தை எட்டி; விசும்பு
இடைச் செல்லும் வீரன் - ஆகாயத்தே செல்லும் அனுமன்; தணித்து -
வேகத்தைக் குறைத்து; தசும்புடை - குடங்களைப் பெற்றுள்ள; கனக நாஞ்
சில்- பொன்மயமான ஏப்புழை அமைந்த; கடிமதில் -
காவலுடன்கூடியமதிலை;நோக்கா - பார்த்து; வேறு விலங்கி - செல்லும்
வழியை மாற்றிக் கொண்டு;மூதூர் இலங்கை - பழைய ஊராகிய
இலங்கையிலுள்ள; பசும்சுடர்சோலைத்து - பசுமையான ஒளியை உடைய;
ஆங்கு ஓர் - சோலையின் ஒருபக்கத்தில் உள்ள; பவளமால் வரையில் -
பவளமலையில்; பாய்ந்தான் -குதித்தான்.