கொணர்ந்து கொடுத்துஅப்புறம் செல்’ என்று சொல்லி (அனுமனை);
தடுக்கின்றார் - மறித்துக் கொள்பவரானார்கள்; பலர் - வேறு பலர்; இவன்
அந்தரத்து அமரர்தம் ஆணையால் வந்தது என்று - இவன், வானில்
உள்ள தேவர்களின் கட்டளையினால் இங்கு வந்ததாகும் என்று மாறாக
எண்ணி; உயிர் கொள மறுகினார் - அந்த அனுமன் உயிரைப் பற்றிப் பறிக்
கமுடியாது வருந்தினார்கள்.

     தேவர்கள்அரக்கர்களுக்குப் பகைவர்களாதலால், அவர்களது
ஆணையின் படி அனுமன் இலங்கைக்கு வந்திருக்கலாம் என்பது பல
அரக்கர்களது எண்ணம். மறுகுதல் - மனம் குழம்புதல்; இவனை எங்ஙனம்
கொல்வது என்று மனம் கலங்கினர் பலர்.                         (4)

     ஓங்கல் அம்பெருவலி உயிரின் அன்பரை - ‘மலை போன்ற மிக்க
வலிமையும் அழகும் உடைய எமது உயிர் அனைய கணவன்மார்களை;
நீங்கலம் - இதுவரை நாங்கள் பிரிந்திலோம்; இன்றொடு நீங்கினாம் -
(இவனால்) இன்றொடு நீங்கினவர்களானோம்; இனி ஏங்கலம் - இனி யாம்
ஏக்கமுற்று வருந்தமாட்டோம்; இவன் சிரத்து இருந்து அலால்
திருவாங்கலம் - இவன் தலையையே பீடமாகக் கொண்டு உட்கார்ந்து
இருத்தலால், எங்கள் திருமாங்கல்யத்தை வாங்கி அகற்ற மாட்டோம்’; என்று
அழும் மாதரார் பலர் - என்று சொல்லி அழும் அரக்க மகளிர் பலராவர்.

     ‘தாலி வாங்கும்துக்கச் சடங்கை, குரங்கினைக் கொன்று, அதன்
தலையின் மேல் தான் நடத்துவோம்’ என்று அரக்க மகளிர் வீராவேசத்துடன்
கூறினர் என்க.                                           (5)

     கொண்டனர் -அனுமனைப்பற்றி இழுத்துக் கொண்டு
செல்பவர்களுக்கு; எதிர் செலும் கொற்ற மாநகர் - எதிரே