வேடிக்கை பார்க்கவருகின்ற வெற்றியை உடைய இலங்கை நகரில் உள்ள
அரக்கர்கள்; நெடிது ஆர்க்கும் ஆர்ப்பு அது - பெரிதாய் முழக்கும்
ஆரவார ஒலி; கண்டம் உற்று உள - (அனுமனால் போரில்) கழுத்து
அறுபட்டு அழிவடைந்துள்ள; அரும் கணவர்க்கு ஏங்கிய குண்டல
முகத்தியர்க்கு - தமது அரிய கணவர்களுக்காக ஏக்கமுற்று வருந்திய,
குண்டலம் விளங்கும் முகத்தை உடைய அரக்கமகளிர்க்கு; உவகை கூர -
மகிழ்ச்சி மேலோங்கிவர,; அண்டம் உற்றது - உலகம் முழுதும் பரவிற்று. தம்கணவன்மார்களைக் கொன்ற அனுமனைக் கட்டி இழுத்து வரும்
செய்தியைக் கண்ட அரக்கர்களது பேரொலியைக் கேட்டதனால், கணவர்களை
இழந்த மகளிர்கள் மகிழ்ந்தனர் என்க. (6) இலங்கையின் அழிவுபாடுகளைக் கண்டவாறு அனுமன் செல்லுதல் | 5811. | வடியுடைக்கனல் படை வயவர், மால் கரி,
கொடியுடைத்தேர், பரி கொண்டு வீசலின்,
இடி படச்சிதைந்த மால் வரையின், இல் எலாம்
பொடிபடக்கிடந்தன கண்டு, போயினான். |
வடி உடை கனல்படை வயவர் - கூர்மை பொருந்தியநெருப்பைப்
போன்ற கொடிய ஆயுதங்களைக் கொண்ட போர் வீரர்களையும்; மால்கரி
கொடி உடை தேர் பரி கொண்டு வீசலின் - பெரிய யானை, கொடிகட்டிய
தேர், குதிரை ஆகியவற்றை (தான்) கையில் எடுத்து வீசி எறிந்ததனால்;
இடிபட சிதைந்த மால் வரையின் - இடி விழுதலால் சிதைவுபட்ட பெரிய
மலைகள் போல; பொடி பட கிடந்தன இல் எலாம் - பொடிப் பொடியாக
நொறுங்கிக் கிடந்தனவான இலங்கை நகரத்து வீடுகளை எல்லாம்; கண்டு -
(மகிழ்ச்சியோடு) பார்த்துக் கொண்டே; போயினான் - (அனுமன் அந்நகரத்து
வீதிகளின் வழியாய்ச்) சென்றான். அனுமன் இலங்கைநகரத்து மாளிகைகளின் இடிபாடுகளைப் பார்த்துக்
கொண்டு, மகிழ்ச்சியை வெளிக்காட்டாது வீதி வழியே சென்றான் என்பது
கருத்து. (7) அனுமனைக் கண்டோர்செயல் | 5812. | முயிறுஅலைத்து எழு முது மரத்தின், மொய்ம்பு
தோள்
கயிறுஅலைப்புண்டது கண்டும், காண்கிலாது, |
|