| | வீங்கினன்,உலகை எல்லாம் விழுங்கினன் என்ன;
வீரன்
பூங் கழல் தொழுதுவாழ்த்தி, விசும்பிடைக் கடிது
போனான். |
விரைவின்நீங்குவென் என்னும் நினைவினன் - சீக்கிரத்தில் இந்த
இலங்கையினின்றும் போவேன் என்கின்ற எண்ணம் உடையவனாய்; ஆங்கு
மருங்கு நின்றது ஒரு குடுமிக்குன்றை - அந்த இலங்கையின் அருகேயிருந்த
சிகரத்தை உடைய ஒரு மலையை; அருக்கனின் அணைந்த ஐயன் -
சூரியனைப் போன்று சென்று சேர்ந்த அனுமன்; உலகை எல்லாம்
விழுங்கினன் என்ன வீங்கினன் - எல்லா உலகங்களையும் உட்
கொண்டவனான திருமால் போன்று தன் வடிவம் பூரித்து நின்று; வீரன்
பூங்கழல் தொழுது - இரகு குல வீரனான இராமபிரானது அழகிய
திருவடிகளை, (தனது மனத்தால் நினைத்து) வணங்கி்த் துதித்து; விசும்பிடை
கடிது போனான் - ஆகாய வழியாக விரைவில் சென்றான். (1) | 6008. | மைந்நாகம்என்ன நின்ற குன்றையும், மரபின் எய்தி,
கைந் நாகம்அனையோன் உற்றது உணர்த்தினன்,
கணத்தின் காலை,
பைந் நாகம்நிகர்க்கும் வீரர் தன் நெடு வரவு
பார்க்கும்,
கொய்ந் நாகம்நறுந் தேன் சிந்தும், குன்றிடைக்
குதியும் கொண்டான். |
கை நாகம்அனையோன் - துதிக்கையை உடைய யானை
போன்றவனான அனுமன்; மைநாகம் என்ன நின்ற குன்றையும் - மை நாகம்
என்று சொல்லப் படுகின்ற இடை நின்ற மலையையும்; மரபின் எய்தி உற்றது
உணர்த்தினன் - (முன் அதனிடம் சொல்லி வந்த) முறைப்படி அடைந்து,
இலங்கையில் நடந்த நிகழ்ச்சிகளை அதனிடம் கூறி; கணத்தின் காலை தன்
நெடும் வரவு பார்க்கும் - ஒரு கணப் பொழுதிலே, நெடு நேரமாகத் தனது
வருகையை எதிர்பார்த்துக் கொண்டிருக்கும்; பை நாகம் நிகர்க்கும் - படம்
எடுத்து எழுந்து நோக்கும் பாம்பு போன்ற; வீரர் - அங்கதன் முதலிய
வானரவீரர்கள் நின்ற; கொய் நாகம் நறுந்தேன் சிந்தும் குன்றிடை -
பறித்துஎடுக்கக் கூடிய சுர புன்னை மரங்களின் மலர்கள் |