தம்பியின்   உயிருக்காக  வேண்டியவன்  தன்  மானத்துக்காக
இதனை வேண்டுகிறான். எதிர்மறைத் தொழிற்பெயர்.
 

வரம்  கொண்டான் -   கும்பகருணன்   வரமாகக்  கேட்டுக்
கொண்டான்; இனி மறுத்தல் வழக்கு அன்று- ஆகையால்  இனி
மறுத்தல்   முறைமையன்று;    என்று  ஒருவாளி- என்று  கருதி
ஓரம்பினை; உரம் கொண்ட தடஞ்சிலையின்  உயர்  நெடுநாண்
உல்  கொளுவா- வலிமை  கொண்ட  பெரிய  வில்லின்   சிறந்த
நெடிய நாணைப் பூட்டி உள்ளே  வைத்து; சிரம்   கொண்டான்-
எய்து  கும்பகருணனது  தலையை  அறுத்தான்;   கொண்டதனை-
அறுத்த  அந்தத்  தலையை;  திண்  காற்றின் கடும் படையால்-
வலிய காற்றின் கடிய அம்பினால்; அரம் கொண்ட கருங்கடலின
அழுவத்துள்  அழுத்தினான்- ஒலி  கொண்ட  கரிய   கடலின்
நடுவில் உள்ளே விழச் செய்தான்.
 

(358)
 

கும்பகருணன் தலை கடலில் மூழ்குதல்
 

மாக்கூடு படர்வேலை- கருமை நிறம் மிகக் கூடியுள்ள பரந்த
கடலில்; மறி  மகரத்திரை  வாங்கி- மடங்குகின்ற  அலைகளை
அப்பால் தள்ளி; மேக்கூடு, கிழக்கூடு மிக்கு இரண்டு  திக்கூடு
- மேற்கிலும், கிழக்கிலும் மிக்குள்ள இரண்டு திசைகளிலும்;