சிவனும்   நான்முகத்து ஒருவனும் - சிவபெருமானும், நான்கு
முகங்களை உடைய ஒருவனான பிரமனும்;திருநெடுமாலாம் அவனும்
-திருமகள் நாயகனான திருமாலாகிய அவனும்; மற்று உள அமரரும்
- மற்றும் உள்ள தேவர்கள் அனைவரும்;உடன் உறைந்து  அடங்க
- எனது ஆட்சியில் ஒரு சேர அடங்கி இருக்க;  புவனம்  மூன்றும்
நான் ஆண்டுளது - மூன்று உலகங்களையும் நான் ஆட்சி   செய்து
வந்துள்ளது; ஆண்ட அப்பொரு இல் உவன் -   மூவுலகத்தையும்
ஆண்ட  அந்த   ஒப்பில்லாதவனான   அவன்;இலாமையினோ -
இல்லாமையினாலா;   (அல்லது)   வலி   ஒதுங்கியோ   - எனது
வலிமைக்கு முன் நிற்கமாட்டாது  ஒதுங்கி   இருந்து   விட்டதாலோ?
உரையாய் - நீ கூறுவாயாக.
 

'ஆண்ட   அப்பொருவில்  வில்' எனப் பிரித்து  கையாண்ட
அந்தப் போரிட வல்ல வில்லை (சார்ங்கம்)   உடையவன்  எனக்
கூறினும் பொருந்தும். உவன்: என்பது சுட்டு. (இடை) திருநெடுமால்
என்ற சிறப்புக்குரிய பெயரை இராவணன்  எள்ளுதற்  குறிப்போடு
சொல்லினான்.
 

ஆயிரம் பெருந்தோள்களும் - ஆயிரம் பெரும்தோள்களையும்;
அத்துணைத்தலையும்- அந்த அளவினதான தலைகளையும்;மாஇரும்
புவி -   பெரிய இந்த உலகம் முழுவதையும்;  உள்ளடி அடக்குறும்
வடிவும் - தனது  ஓரடிக்குள்ளே அடக்கும் பெரியதொரு வடிவமும்;
தீய   சாலவும்   சிறிது என நினைந்து - தீமை தருவன, மிகவும்
சிறியவை என்று நினைத்து; உரவோன் - நீ  சிறப்பித்துச்  சொல்லும்
அந்த வலியவன்;   நாம் தின்னும் ஓயும் மானுட உருவு -   நாம்
தின்னத்தகுந்த வலிமையற்ற மனித வடிவத்தை; கொண்டனன் கொல்
- கொண்டானோ?
 

திருமால் ஆயிரம் தோள்களும், ஆயிரம் தலைகளும், ஆயிரம்
கைகளும், ஆயிரம் கண்களும்  உடையவர் என்பதை "காலாயிரம்
முடியாயிரம்,   ஆயிரம்   கை   பரப்பி"  என்ற அட்டப்பிரபந்தப்
பாடலாலும் புருஷ சூக்கத்தாலும் அறியலாம். உலகத்தை ஓரடிக்கீழ்
ஒடுக்கிய   பெருவடிவம்   திருவிக்கிரம்   அவதாரம்.  அத்தகைய
பேருருவம்