சிறியது - தீயது என நினைத்து,  நாம்  தின்னத்தக்க - வலிமையற்ற
மனித   வடிவைக்   கொண்டவனையோ-நம்மை எல்லாம் கொல்ல
வல்ல  வலிமையுடையவன்  என்று   கூறினாய்   என  வீடணனை
வெகுண்டும், இராமபிரானை இகழ்ந்தும் கூறினான்.
 

பித்தன்   ஆகிய   ஈசனும்   அரியும்  - பித்தனாகிய
சிவபெருமானும்,  திருமாலும்;என் பெயர் கேட்டு -  எனது
பெயரைக் கேட்டவுடன்;   எய்த்த சிந்தையர் - (அச்சத்தால்)
சோர்ந்த   மனத்தினராய்; ஏகுழி   ஏகுழி எல்லாம் - அவர்
சென்ற   சென்ற இடமெல்லாம்;  கைத்த ஏற்றினும் - சிவன்
செலுத்திச்  சென்ற   காளை   மீதும்;கடவிய புள்ளினும் -
திருமால்  ஏறிச் சென்ற  கருடன்  மீதும்;   முதுகில் தைத்த
வாளிகள் நின்று - நான் எய்த பாணங்கள் முதுகில் தைத்து
நின்ற வடுக்கள்; குன்றின் வீழ் தடித்தின் உள - மலைமீது
விழுந்த இடிபோல் உள்ளன அன்றோ?
 

எய்த்த-சோர்ந்த. ஏகுழி-செல்லுமிடம். கைத்த ஏறு-செலுத்திய
காளை. உகைத்த என்ற சொல் முதல் (எழுத்து) குறைந்து கைத்து
என நின்றது.  கடவிய   புள்-செலுத்திய  கருடன்.  தடித்து-இடி.
வாளிகள். இங்கு அம்புகளால் ஆன வடுக்களைக் குறித்தது. இடி
விழுந்த மலையில் சிதைந்த இடிபாடுகள்  காணப்படுவன போல
அம்புபட்ட வடுக்கள் காணப்பட்டன என்பது கருத்து.
 

(116)
 

வெஞ்சினம் தரு போரின்- கொடிய சினத்தை உண்டாக்கும்
போரிலே   பங்குகொள்ள;   எம்முடன்  எழ  வேண்டா -  நீ
எங்களோடு புறப்படவேண்டா; இஞ்சி மாநகர் இடம் உடைத்து
- மதில் சூழ்ந்த மாநகராகிய இலங்கையில் நிறைய இடமிருக்கிறது;
ஈண்டு இனிது