குலமுதல்தலைவர். சகரர். சகரர்கள் தோண்டியதால் 'சாகரம்'
எனப்   பெயர்   பெற்றது   என்பர்.  கடல்    தெய்வத்தைப்
பிரார்த்திப்பதற்குத்  தனியே இருந்து  வேண்டவேண்டுமாதலின்
'வேறு இரந்து வேண்டுதி' என்றான்.
  

நன்று   இலங்கையர்  நாயகன்  மொழி - இலங்கையர்
வேந்தனான வீடணன் கூறிய மொழி நல்லதே; என நயந்தான்-
என்று  விரும்பி  உடன்பட்ட இராமபிரான்; ஒன்றுதன் பெரும்
துணைவரும்-  நெருங்கியதனது    சிறந்த   துணைவர்களும்;
புடைசெல  -  இருபக்கமும் நெருங்கிவர; உரவோன் சென்று
வேலையைச் சேர்தலும்- வலிமை மிக்கவனாகிய இராமபிரான்
கடற்கரையை  அடைதலும்; சிவந்த குன்றின் மேல்நின்று -
சிவந்த  நிறம்  வாய்ந்த உதயகிரியின்  மேலிருந்து;  பகலவன்
குதிரை -  சூரியனுடைய  தேரிலே  பூட்டப்பட்ட  குதிரைகள்;
விசும்பிடைக்    குதித்தன   -   வானத்திலே    குதித்துச்
செல்வனவாயின.
  

'உரவோன்; அறிவுத்திண்மையுடையவன் - என இராமனைக்
குறிப்பிட்டார். சூரியோதயத்தாலே  கீழ்த்திசையிலுள்ள உதயகிரி
சிவந்திருந்ததாதலின் 'சிவந்த குன்றின் மேல்' என்றார்.
 

(3)
 

இராமன் புல்லில் அமர்ந்து, வருண மந்திரத்தைத் தியானித்தல்