சந்திரனுடைய  கிரணங்களைப்  போல; குளிர்  வாய்ந்தன -
குளிர்ந்த தன்மை பொருந்தியனவாயின;
 

எப்போதும்   நீர்த்திவலைகள்   வானத்  தெய்தினமையின்
'நிரந்தரம் எய்தலால்' என்றார்.
 

நறுங்கிரி  நன்கு ஒடித்து -  மணம்  மிகுந்த  மலைகளை
நன்றாகப்  பெயர்த்து; சிந்திய பொன் கொடி- (கடலில் எறியும்
போது  சிந்திய   மலையிலுள்ள   பொன்  துகள்களின்  வரிசை;
துவலை   பொதிந்து  ஓடுவ - கடலின் நீர்த்திவலைகளாலே
பொதியப்பட்டு  மேலே  செல்வன; வன்  கொடிப் பவளங்கள்
வயங்கலால்  -  வலிய  பவளக்  கொடிகளோடு விளங்குவதால்;
விண்   எலாம்   மின்பொடித்தது  போன்றன -  ஆகாய
மெல்லாம் மின்னலைத் தோன்றச் செய்வது போன்றிருந்தது.
 

நல்ல   மணமுடைய  ஏலம்,  கிராம்பு  போன்ற  மலைபடு
பொருள்களால்        மலை       நறுமணம்        கமழும் 
தன்மையுடையதாயிருத்தலின்   'நறுங்கிரி'   என்றார்.  ஒடித்து -
பெயர்த்து.  பொன்   கொடி - பொன்   துகள்களின்  ஒழுங்கு.
பொதிந்து - மூடப்பட்டு. பொடித்தல் - தோன்றுதல்.
 

(63)
 

ஓடும்  ஓட்டரின் - விரைந்தோடும் தூதுவர்களைப் போல;
ஒன்றின்  முன் ஒன்று போய் - வானரங்களை ஒன்றையொன்று
முந்திச்  சென்று; காடும் நாடும்- காடாகிய  முல்லை நிலத்தும்,
நாடாகிய   மருத  நிலத்தும்; மரங்களும்  கற்களும் நாடும் -
மரங்களையும்  கற்களையும்   தேடும்;   நளிர்கடல்   நாட்டில்
நாட்டும்-  (தேடிக்  கொண்டு  வந்தவைகளை  கடல் நிலமான
நெய்தல்  நிலத்தில்  நிலை   நிறுத்தும்;  இப்பூமியில்-  இந்தப்
பூமியிலே எங்கும்;