சான்றோர்   ஒரு   முகமாகப்   புகழ்தலின்   "ஓதிய   குறிஞ்சி
முதலாய" என்றார் - ஓதுதல் - புகழ்ந்து பாடுதல். அருந்துவன -
வினையாலணையும் பெயர் வானர சேனைக்கு வேண்டிய உணவுப்
பொருள்கள் மிகுதியாகக்  கொண்டு  செல்லப்பட்டன. என்பதைப்
போகிற போக்கில் உவமை வாயிலாக உரைத்தார்.
 

ஆயது- அந்த வானர சேனையில்; நெருங்க அடிஇட்டு-
நெருக்கத்தினால், ஓர் அடியைஇட்டு; அடி இடாமல் - அடுத்த
அடியை   எடுத்துக்    கீழே     வைப்பதற்கு     இயலாமல்
(இன்னொருவரின் அடியிடப்படுதலால்); நெறிதேயும் - (செல்ல)
வழியின்றிப்   போகும்;   மாடுதிரை    ஊடு  -  (ஆதலால்)
அருகேயுள்ள கடல் அலைகளின்  இடையே; விசை செல்ல-
விரைவாகச் செல்ல; சில போய- சில  வானரங்கள் போயின;
பொங்க  தொறு   பொங்கு   தொறு  - (அப்படிச் சென்ற
வானரங்கள்)   (கடல்   அலைகள்)  பொங்கி    எழுந்தோறும்
எழுந்தோறும்;   பூசல்  பாய்புரவி  -   போரில்  பாய்கின்ற
குதிரைகள்; விண் படர்வ போல்- வானை நோக்கிப் பாய்வது
போல; இனிது பாய்வன- இனிதாகத் தாவிச் செல்வன ஆயின.
 

வானர   சேனையின்   நெருக்க  மிகுதியை  உரைத்தவாறு.
"அணையிடமில்லாமல், கடலுக்குள்ளே  போகின்ற  வானரங்கள்
திரை   பொங்குந்தோறும்  குதிரை ராவுத்தர்  ஒத்தன" என்பது
நயமான ஒரு பழைய உரை. தன்மைத் தற்குறிப்பேற்ற அணி.
 

(8)
 

மெய்யிடை நெருங்க- (போய வழியெல்லாம்) குரங்குகளின்
உடம்பே  இடம்  முழுதும்  நிறைந்திருத்தலால்;  வெளியற்று -
செல்லும் வெற்றிடம்  அற்று; அயலில்  வீழும் பொய் இடம்
இலாத- பக்கத்தில் வீழ்வதற்கும்  காலியிடம்   பெறாதனவாய்;
புனலின் புகல் இலாத- (நெருக்கில் சிக்குண்டு கடல்) நீரிலும்
விழ