பொறிபட - என் கரங்களில் உள்ள அம்புகள் தீப்பொறிகளைச்
சிந்தியவாறு; சுடர்கள் தீய - (ஞாயிறு, திங்கள், தீ) எனும்
முச்சுடர்களும் கரிந்து போகுமாறு; போவன - ஏகவல்லன;
(அவ்வம்புகள்) மறிகடல் கடைய - அலைகின்ற கடலைக்
கடையும்போது; போக்கிலாத வந்த மணி கொல் ஆம்? -
போகும் இடம் அறியாமல் (திருமால்மார்பினை வந்தடைந்த
கௌத்துவ) மணியாகுமோ? (ஆகாது); அறிகிலை போலும் -
இதனை நீ அறியாய் போலும்!
| "நேமியானே வந்து எதிர்ப்பினும்" என வரவேண்டிய
தேற்றேகாரம் மறைந்து நின்றதால் விரிக்கப் பெற்றது. "போக்கு
அறு பனுவல்" (தொல். பாயிரம்) என்பதில், போக்கு குற்றம்
எனும் பொருளில் வந்துள்ளது. நேமி - ஆழிப்படை, சக்கரம்.
மார்பில் பூணவாளி மணியன்று என்பதனால் அது மார்பைப்
பிளக்கும் என்பது குறிப்பு. திருமால், புறமுதுகிட்டதாக
இராவணன் முன்பும் (6182, 6186) உரைத்துள்ளான்.
| (87)
| 6833. | 'கொற்றவன், இமையோர் கோமான், குரக்கினது | | உருவம் கொண்டால், | | அற்றை நாள், அவன்தான் விட்ட அயிற்படை | | அறுத்து மாற்ற, | | இற்ற வான் சிறைய ஆகி விழுந்து, மேல் எழுந்து | | வீங்காப் | | பொற்றை மால் வரைகளோ, என் புய நெடும் | | பொருப்பும்? அம்மா!' | | | கொற்ற வாள் இமையோர் கோமான்- வெற்றியைக்
கொண்ட வாள் ஏந்தும் தேவர்தலைவனான இந்திரன்;
குரக்கினது உருவம் கொண்டால் - குரங்கினுடைய வடிவம்
கொண்டுள்ளான் என்றால்; அற்றை நாள் - (மலைகளின்
சிறகுகளை அரியத் தொடங்கிய) அக்காலத்தில்; அவன் விட்ட-
அவ் இந்திரன் விடுத்த; அயிற் படை - கூரிய வச்சிராயுதம்;
அறுத்து மாற்ற- அறுத்து வேறாக்கியதால்; வான் இற்ற
சிறைய ஆகி - வானில் (பறப்பதற்கு இயலாத) ஒடிந்த
சிறகுகளையுடையனவாகி; விழுந்து - கீழே வீழ்ந்து; மேல்
எழுந்து வீங்கா- மேல் கிளம்பிப் பறக்க இயலாத; மால்
பொற்றை வரைகளோ - பெருமைக்குரிய சிறு குன்றுகளோ;
என்புய நெடும் பொருப்பும்? - என்னுடைய தோள்களாகிய
பெருமலைகளும்? |
|
|
|