(உலகை அழிக்க உள்ள) அரக்கர்களுடைய; புரமும் பொற்பும்-
நகராகிய இலங்கையும் அதன்  அழகும்; சிதைவு செய்குறியைக்
காட்டி-  அழியப்  போகின்ற   அடையாளத்தைக் காண்பித்து;
உதயமது  ஒழிய  -  உதயகிரிச் சிகரத்திலே  உதிப்பதை நீக்கி;
வடதிசைச்   சிகரத்தின்  -  வடதிசைக்கண்   உள்ள   ஒரு
மலைச்சிகரத்தில்;    தோன்றும்   கரு  ஞாயிறு ஒத்தான் -
உதிக்கின்ற  ஒரு  கரிய   சூரியனைப்   போன்றவன்  ஆனான்
(இராமபிரான்).
 

கதிரவன்    உதய   காலத்தே,  சுவேலமலைமேல்   நின்ற
இராமபிரானை, வடக்கே உதித்த கரு ஞாயிறு  என வருணித்தார்.
கருஞாயிறு  இராமனுக்கு  உவமை.  "கட்டார்சிலைக் கருஞாயிறு
புரைவான்" (9406); "கண்தாமரை  போல் கருஞாயிறு என" (2610)"
செந்தண் கமலக்கண் சிவந்த வாயோர் கருஞாயிறு, அந்தமில்லாக்
கதிர் பரப்பி அலர்ந்தது. ஒக்கும் அம்மானே!" (திருவாய்: 8: 5: 7)
என  வருவன  காண்க. உதயமது அது பகுதிப் பொருள் விகுதி.
தன்மைத் தற்குறிப்பேற்ற அணி. 
 

துமிலத்  திண்செருவின் -  பேர்ஒலியுடன்  எழும்  வலிய 
போரில்;  வாளிப்  பெருமழை-  அம்புகளாகிய   பெரியமழை;
சொரியத்   தோன்றும்- பொழியுமாறு   தோன்றும்;  விமலத்
திண்சிலையன்  -  மாசற்ற  திண்ணிய  வில்லை  ஏந்தியவனாகி;
ஆண்டு ஓர் வெற்பினை மேயவீரன் - அங்கே ஒரு மலையை
யடைந்தவனாகிய   இராமபிரான்;  அமலத்திண் கரமும் காலும்
வதனமும் கண்ணும் ஆன- தூய்மை பொருந்திய திருக்கைகளும்,
திருவடிகளும்,   திருமுகமும்   திருக்கண்களும்  ஆன; கமலத்
திண்காடு பூத்த -  வளமான  தாமரைக்காடு  பூத்துக்  கிடக்கிற;
காளமாமேகம் ஒத்தான் - கரிய பெரிய காளமேகம் போன்றவன்
ஆனான்.
 

துமிலம் - பேரொலி,  ஆரவாரம்.  தாமரைக்காடு அனையான்
இராமன்.  ஒப்பு:  (திருவாய்: 8: 5: 1).  நீல  மேனியிடை  செந்நிற
உறுப்புகள்