விரிகின்ற  கதிர  ஆகி - பரந்து  வீசுகின்ற கிரணங்களை
யுடையனவாய்;  மிளிர்கின்ற   மணிகள் வீச-  விளங்குகின்ற
நவமணிகள் ஒளி வீசுவதனால்; சொரிகின்ற சுடரின் சும்மை -
பொழிகின்ற  ஒளித்தொகுதி; விசும்புறத்  தொடரும் தோற்றம்
- வானளாவித் தொடர்ந்து நிற்கின்ற தோற்றமானது; அரிவென்ற
வெற்றி   ஆற்றல்  மாருதி - பகைமையை வென்று தீர்க்கும்
வெற்றித் திறனுடைய அநுமான் ஆனவன்; அமைத்த  தீயால் -
(தன்  வாலால்)  இட்ட  தீயால்;  இக்கொடி  நகர்  இன்னும்
எரிகின்றதாயே- இந்தக்  கொடிகள் சூழும்  இலங்கை மாநகர்
இப்போதும் எரிந்து கொண்டிருப்பது போலவே; இருந்தது காண்
- இருப்பதைப் பார்ப்பாயாக.
 

மணிகள்  சிந்தும்  ஒளித்தொகுதி, இலங்கை அனுமன் இட்ட
தீயால்  இன்னும்  எரிந்து  கொண்டிருப்பது போன்றே தோற்றம்
அளித்ததாகக் கற்பித்தார். 

(9)
 

மாசு   அடை  - அழுக்கு நுழையாமல் அடைக்கப் பெற்ற; 
பரந்தமான மரகதத்தலத்து  வைத்த - விரிந்து சிறந்த மரகதத்
தலத்தில் கட்டப்பட்ட;காசு அடை சமைந்தமாடம்- பொன்னால்
நெடுக  வேயப்பட்ட   மாடங்கள்;  கதிர் நிறக் கற்றைசுற்ற-
சூரியனுடைய மை போன்ற ஒளிக்கற்றைகள்  சூழுமாறு  அமைய;
ஆசு அறக் குயின்ற- குற்றம் நீங்க அமைக்கப்பெற்ற; வெள்ளி
அகல்மனை- வெள்ளியால் அமைந்த விரிந்த மனைகள்; அன்னம்