பூசல் வில் குமர ! - போரிடற்குரிய வில் ஏந்தும் குமரனே!
புகழ் அற விளங்கும் பொற்பின்- குற்றம் நீங்குமாறு
விளங்கும் அழகினையுடைய; காசு உடைக் கதிரின் கற்றை-
(கொடிக்கம்பங்களில் பதிக்கப் பெற்றுள்ள இரத்தின)
மணிகளால் ஆகிய ஒளித் தொகுதிகளையுடையனவாய்; கால்களால்
கதுவுகின்ற- காற்றால் பற்றப்பட்டு; வீசுபொன் கொடிகள்
எல்லாம்- அசைகின்ற அழகிய கொடிகள் யாவும்; விசும்பின்
விரிந்த- விண்ணில் பரவியுள்ள; மேக மாசு அறத்துடைத்து-
மேகங்கள் என்னும் அழுக்கினைத்துடைத்தெடுத்து; அவ்வானம்
விளக்குவ போல்வ நோக்காய்- அவ்விண்ணைத் துலக்குவன
போன்றுள்ளமையைக் காண்பாயாக.
 

புகர்-குற்றம்.
   

இம் மூதூர்- இத்தொன்மை வாய்ந்த இலங்கை; நூல் படத்
தொடர்ந்த- (சிற்பிகளால் கோணல் என்பதேயின்றி) நூல்
இட்டு நேர் வரிசையில் உள்ளனவும்; சித்திரம் நுனித்த
பத்தி - ஓவியங்கள் நுட்பமாகத் தீட்டப்பட்ட
வரிசையானவையும் ஆகிய; கோல் படு மனைகள் ஆய குலமணி
எவையும் கூட்டி- அழகமைந்த வீடுகள் என்னும் சிறந்த மணிகள்
யாவற்றையும் இணைத்து; சால்பு அடுத்து- (ஒரு கோவையாக)
பொருந்தும்படி அமைத்து; அரக்கன் மாடத் தனிமணி நடுவண்
சார்த்தி - அரக்கர் கோனாகிய இராவணனது அரண்மனையாகிய
நாயகமணியினை நடுவிலே சார வைத்து; மால்